السبت، 29 مايو 2010

التاج السلطاني


بما أن الثالثة ثابتة
وقد وصلت للرقم "خمسة" الآن وليس ثلاثة
رأيت أن أعمل "الهوم وورك" وإلا نزلت درجاتي النهائية !

قوانين التاج السلطاني:
- اذكر اسم من طلب منك حل هذا الواجب
- تحدث عن ستة أسرار قد لا يكتشفها من يقابلك للمرة الأولى
- حول هذا الواجب إلى ستة مدونين، واذكر أسماءهم مع روابط مدوناتهم في موضوعك
- اترك تعليقا في مدونة من حولت الواجب إليهم، ليعلموا عن هذا الواجب

اسم من طلب حل الواجب:
الغاليات:
الغاردينيا ،، أم حروبي،، نبراس
ومن قبلهم العزيزة سكب الحروف، والفاضل لولا الأمل في تاج مشابه، مع اختلاف في الأسئلة
وحان الوقت للرد على التاجين في تاج ;)

الأسرار الستة:
- عايشة على البررّد (آيس كريم)
- إذا ضحكت ما أسكت
- أحب الشتا
- ما أحب المطر
- كان حلمي أكون مذيعة أخبار
- ما أحب اليهال (من بعيد لبعيد بس)

فكرت مليًا فيمن سيحول الواجب إليهم، ولا أحب أن أنسى أحدا ، فقررت تحويله إلى مدونين رجال فقط،
لأن الرجال (مايزعلون) :)
وهم:
سامي

ابن السور

متطرف جدًا

أبو فارس

ما صاروا ستة؟

جار ٍ ترك التعليقات في المدونات المعنية
وبجذي آخذ ثمانية من عشرة :)

22 التعليقات:

Seema* يقول...

كل تعليقاتي على من يلبس التاج تكون أسئلة... فسؤالي:
شنو قصة البرّد؟ ...غير السمبوسة؟

LOL
أتغشمر ;*

BookMark يقول...

مت من الضحك

لالا البررد وجبة يومية مالها قصة مثل السمبوسة p;

ابو فارس يقول...

جاك الموت ياترك الصلاه
انا بتحجج بالنت
ما فيه عفوا؟؟؟
هههههههههه
تحياتي

BookMark يقول...

تقدر تنسحب بس راح ترسب :)

ابو فارس يقول...

مطلوب منك التاجيل لي حتي يوم
7/6/2010
واكون ممنونك

mese يقول...

- عايشة على البررّد (آيس كريم)>> حتى بالشتاء @_@ ؟ أكيد دووم مرشحة

- إذا ضحكت ما أسكت>> هههههه عندي بنت أخوي مثلكِ..الله يسعدكن دووم يآرب..زين رياضة للقلب

- أحب الشتا>> حلو الشتاء معاج حق نقدر نستمتع بالطبيعة صدق.. نطلع على كيفينا متى ما نريد..خاصة أن الشتاء بالخليج أحلى بوااايد عن باقي الدول..

- ما أحب المطر>> @_@ غريبة مافي أحلى من المطر وريحة الثرى..بعدين كيف تحبين الشتاء وهو فصل الأمطار!

- كان حلمي أكون مذيعة أخبار>> وليش ما حققتي حلمكِ؟

- ما أحب اليهال (من بعيد لبعيد بس)
>> عكسي تمام..أنا أموووووووووت عليهم..حتى عيال الناس ما أخليهم بحالهم :)

حلوه أسراركِ وصراحتكِ..طلعت لنا شيء أبد ما كنت متخيلته عنج :)

أتمنى أنج تتقبلين تعليقاتي :|

ودي وإحترآمي..ياأميرة التيجان..>> خذتي كل التيجان خمسة عندج شو تسوين بهن كلهن؟ =>

ebtsamh يقول...

بجيبلج كرتون برد :)

Om Hrooby يقول...

زين سويتي الهووم وورك ولا بيتكدس عليج الشغل خخخ..ماتدرين يمكن ينزل الصولجان الحروبي بعد وبتكون أسألته صعبة وأنا معاج بكل شي الا المطر حرااام ليش ما تحبينه وناااسه ..

أما اليهال صدقج من بعيد لبعيد أحبهم بس أخاف اقرب صوبهم..بعدين يصيحون ونبتلش ههههه

ًمتطرّف جدا يقول...

أسرار مصيرية :)
.
.

مبدئيا ً ، لا أمانع ، ولكن بقي
عثرة صغيرة ، , وهي أرسلها لمن ؟
فانا لا أزال غير ناضج تماما في هذا الوسط التدونيني P:

BookMark يقول...

أبو فارس

تم

BookMark يقول...

mese

-اي حتى بالشتا ايس كريم بس الحمدلله الظاهر عندي مناعة p;

-ويسعدج يارب

-صح احلى شي بالشتا الطلعة بأي وووقت

-احب الشتا الجاف بدون مطر، وريحة المطر والثرى تقمتني اختنق منها :(

-امم مالي خلق أكشخ كل يوم p;

-حلو يالحنوونة ;)


مشكورة عزيزتي وأكيد أتقبل تعليقاتج بالعكس فرحتني :))

والتيجان كل يوم بلبس واحد أكشخ فيهم لمدة أسبوع ههههه

كل الود ;**

BookMark يقول...

ابتسامة

اااالله :))

BookMark يقول...

أم حروبي

اي قلت احلهم قبل لا يتكدس علي الشغل ;)

ههه تصدقين كنت افكر مابقى غير الصولجان وتكتمل السلطنة

يالله بانتظار الصولجان الحروبي بس خفي علينا لا تصعبين p;

المطر مادري بس احب اشوفه من ورى الدريشة

واليهال صاجة مالنا خلق يصيحون ونبتلش هههه

حياج الله :)

BookMark يقول...

متطرف جدا

تخطي العثرات من مهام الطالب الجيد المجتهد :)

نبراس يقول...

:)
زيدي على ذلك خصم درجتين
^^

ياسلام اشياء مشتركة بيننا
ما احب المطر !
امووووت على البّرد ايبآآآه =p
حلمي بعد اسير مذيعة اخبار!
=p

ابن السور يقول...

بوك مارك
والله مو فاهم شي
يمكن عشان انا مشوش مو عارف اركز .. بس هل المقصود اجاوب على الاسئلة ووين احط الاجوبة في مدونتي وللا عندج .. وشنو يعتي التاج السلطاني ترى انا مو متابع الموضوع من الاول .. ميخالف تحمليني وعلميني

BookMark يقول...

نبراس

بعد خصم درجتين لييش p;

وياسلام على الأشياء المشتركة
وناسة،ومااستغربت لأني صج أحس بأشياء مشتركة لما أقرا كتاباتج ;))

BookMark يقول...

ابن السور

اي تجاوب على الأسئلة وتحطها بمدونتك بموضوع اسمه التاج السلطاني، تسوي نفس الخطوات الي بموضوعي، تذكر القوانين والأسرار الستة وتحول الموضوع حق 6 مدونين
:)
أما شنو يعني التاج السلطاني مادري يمكن تصير سلطان لمدة دقايق وتعترف بأسرارك
ولو اني اول مرة أسمع بسلطان يكشف أسراره هههه

واعتذر يمكن الموضوع ماكان بوقته، اذا ماتقدر تحله الحين أجله لين الوقت المناسب

مـي يقول...

حددي ؟ أي نوع برد

^_^

بالعافية يالحبيبة

BookMark يقول...

مي

كل شيء تقريبا
بس الأساس باسكن روبنز ;)
وبالتحديد صنف الـ gold medal

خاتون يقول...

أنت تحبين الشتاء علشان بردج ما يموع و ما تحبين اليهال و المطر لأنهم يضرون بردج و تحبين تكونين مذيعة اخبار علشان تعرفين باجر راح يطق مطر و الا لأ و تضحكين ما تسكتين كله من عمايل البرد هههههههههههه
صج أسرارج مو متوقعة نايس تو نو يو كلوووزر
^_^
hAve A nice DAy
*_^

BookMark يقول...

خاتون

الله الحين كل هالاستنتاجات من ورى أسراري!
توني أدري اني جذي p;

بس ضحكتيني :))