الثلاثاء، 12 أكتوبر 2010

آخر بوست عن الصرح


روح قديمة
حين توجهت هذا الصباح لكليتي القديمة بغرض تقديم الدعم والمساندة
وبث الحماس في روح الفريق
وجدت أنني أنا التي أحتاج لأحد يبث الحماس فيني!
واكتفيت بمراقبة أجواء الانتخابات من بعيد
وشرب كوب من القهوة وتبادل الأحاديث مع المعارف القديمة
غير مكترثة بكل المشاحنات والتسابق للحصول على رأس مؤيد
أقول قولي هذا وأنا التي كان العمل النقابي يمثل حياتي ... كلها!
بعدها ازددت يقينا بأن لكل مرحلة عمرها
ولكل زمن أبناؤه
ولكل جيل رجاله
و،، و، و،،
هذه رسالة لكل طاعن في السن يرغب في الزواج
تحت وهم تجديد الدماء وإحياء روح الشباب
نصيحتي: أرجوك! أرجوك لا تتزوج!
فإنك إن فعلت لن يُشعرك ذلك إلا بالعجز!
***

خطبة
أصدقكم القول أن من أحد الأسباب التي دفعت بي للذهاب إلى هناك
هو مشروع خطبة!
وإقناع أحد الأطراف بالنظر إلى حسن إحداهن
وإلا ... راحت عليكم البنت!
على آخر عمري صرت خطابة!
***

فل الشعر فله
ما قصة تربية الشعر عند بعض الشبان؟
غترة وعقال يظهر من تحتها شعر طويل؟!!
منسدل على الأكتاف ولا ينقصه غير ال"ملافح"
شعرت بقريحتي الشعرية تشتعل
ورغبت في كتابة أبيات تصف هذا المنظر البديع
لا أدري أبيات غزل أم هجاء ...
قرف !
وياحيييف عرجاااال والله!
***

وهنا أكون قد فرغت من آخر تدوينة جامعية ...
والوعد قدام !!

72 التعليقات:

خدمات البحث العلمي يقول...

الشباب اللي يلبسون غتره ويكون مطلعين شوي من الشعر هذولي شكلهم مقبول البلى في اللي يطولون الشعر ويفكون كامل شكلهم مقزز

الغاردينيا يقول...

صرتي خطابه اذن ههههههه

طب احم احم فينا نعتمد عليكي في موضوعي ههههههههه

التغيير هو سنة الحياه و
مساله الموضات الغريبة فالعالم بكله صار غريب وعجيب ^_^ و اتفق معك تماما
في رسالتك لكل طاعن ...

اعطر تحية

Seema* يقول...

يلا نهلق!
;p
الله يهديهم مادري من قالهم حلو! :\


ويا بخت من وفق راسين بالحلال
;p

eng_semsem يقول...

بصراحه انا متفق معاك تطويل الشعر للرجال شئ مقزز وشكله وحش جدا على الجلياي والغتره وبعدين الشباب بيطول شعره اكتر من الغرب وهو بيلبس غتره طيب ليه تقبل تحياتي

Engineer A يقول...

:)

ياحلوها من أيام ويا حلوها من ذكريات نستعيدها..

بس لما نرجع لشيء من القادم نحس بشي غير مو؟؟ ما تحسين بأنج ماعدتي تنتمين لنفس المكان؟

ودي :)

الجودي يقول...

:)

الدنيا لي جدام و لكل مرحلة حلاوتها و تحدياتها و مواقفها طلعتي من نطاق الجامعة .. إلى نطاق أكبر و جدامج محافل لي جدام ..

موفقه غاليتي

سلة ميوّة يقول...

ولهت على سوالفج وفضفضتج...

و تحلطمج المنمق الجميل...:)


اممم صرتي خطابه؟؟ يابخت من وفق راسين بالحلال ;)

وانج قعدتي بعيد وشربتي قهوتج بسكات..
والله زين ماسويتي:)

وعلى الشعر...صراحة...

انا من اشوفهم يترائى سؤال واحد...

( اخي العزيز...شنو نوع شامبوك؟؟:)


مساج الله بالخير والوله والشوق:***

mrmr يقول...

التجديد مطلوب .......
بس كل شئ وله حدود

الحياة الطيبة يقول...

صحيح BookMark لكل مرحلة عمرها ولونها وطبيعتها التي لا تتجاوزها لمرحلة أخرى ...بعد الطاعن بالسن إش له بالزواج ؟
*الدماء تتجدد بالحجامة مو بالزواج .
*الشعر الطويل للشباب في هذا الوقت بالذات نوعاً ما غير مقبول بالنظر لاستعمالهم التاج ,يصبغ شعره , قص الشعر ( مدرج)تقليد في تقليد وكأنهم فقدوا هويتهم ..الله يآنا شفت منظر ,دشداشه بدون غتره وشعر طويل طويل لدرجة مستهجنه وغير طبيعيه ومدهن ويلفح ما أدري شنو في باله لما طلع بهذا الشكل ...يمكن مرحلة وتعدي الله يهديهم ويوعيهم .
بوست متنوع ودمه خفيف , دمت غاليتي .

amani يقول...

والله ايام المدرسه والجامعه احلى ايام الشخص فينا يندب حظه في وقتها ومن ثم يتمنى ويقول ياليت تلك الايام تعود يوما على الاقل همومي ومشاكلي على قدي

من بعدها يصير وياه الف شي وشي حتى لو كانت وحده من غير عمل اي شيء يقوول ياليتني ارجع

اقولج دامج صرتي خطابه هالله هالله اذكرينا يمكن نتزوج على ايدج ههههههههه ونلقى الزوج السنع الي يلوق بمستوانا الفكري الوحده فينا ما تتمنى الا طرف ثاني يفهم شقاعده تقول حتى لو كانت كلام حريم فاضي

اما على الرجااااااال انتي عبالج كل من لبس غتره وعقال وخط الشارب على وجهه صار رجال

والله مرات يصادفني انه اقووول انا ارجل منك ولاااا ااخييييه انت رجال وانا مره ههههههههه

هو كل راجل راجل للاسف شباب هاليومين او الجيل الجديد وليس بالضروري العموم ولكن انا اتكلم عن زمن غير حال الرجال وصارت همومهم الموضه واخر صرعات تسريحات الشعر

ماتقدرين تاخذين منه لا حق ولا باطل ويتشط ويبي مره ما جبتهااااش ولاده

يعطيييج الصحه والعافيه

~حَدِيـثُ الفَـجْـر~ يقول...

صبحج الله بخير يالعيوز .. ;q
لوول هذا وانتي راايحه تساعدينهم وتقوينهم قعتي تشربين قهوه اي مو منج من هالي رايحه تخطبينها\ه > يمكن يصير الاثنين ;q

اوه اوه اوه طلعتي من العاملات ؟؟ ولله مو هينه ;q

سؤال انا احس نثل شعورج بالانتخابات ..و احس اني هذي المرحله عديتها .. هل معناته اني كبرت على الجامعه ;q
اذا اي خلاص لازم يسون لي استثناءات واتخرح بسرعه ;q

وعاشت خطابتنا ;q

:\
ويع > اقل شي ينقال
موشي جميل اصبح عليه الله يهداج يابوك مارك :(
ع العموم ودي اساله شنو الي تسويه عشان يمون ناعم جذي ؟!!
وله مثل حالتنا يستشورونه من الفير ؟؟
وله دابر املى :\ ؟؟ ;q

هههههههههههه
صااااح الخير و السرووور :)) 

~حَدِيـثُ الفَـجْـر~ يقول...

اصير اتغضين البصر عن البدليات :$
تونا قاعدين .. ولي الحين مو مصحصحين ;q

~حَدِيـثُ الفَـجْـر~ يقول...

لوول
نسيت لا ابارك لج
مبرووك الفوز :)
والله يوفقهم :)

may يقول...

انتخابات الجامعة
-
أنا ماشاركت فيها لما كنت بالجامعة
الحين ! لا يمكن !

///
طاعن يتزوج
-
لو يفكر بس ليش بتاخذه البنت المزيونة الصغيرة ؟ شنو تبي فيه ؟ وشلون تنظر له !
///
فل الشعر
-
لوووووول
أكره شي عندي اشوف واحد شعره طويل !!
والبلوة لي صار خشن !!
ياااااو !
///

المهم :

:: صباح الورد ::

:)

Sami يقول...

عاشت الخطابه ..لوول

فاطمة الابراهيم يقول...

زحمة شغل وضغط
قلت شوي بريك
رديتيني لي ورا ايام عصري الذهبي لول ..!

ويه اصلن الحين الشباب يخطبون ..!!!
عى قولت وحده " حطي بالج فطوم من الموظفين بالدوام .. لول قويه"

كوكتيل يقول...

صباح الخير على الحلوين :)

فعلا لكل زمن أبناؤه لما تكونيني في الجامعة تدرسين جو ولما تروحينها بعد الدراسة جو ثاني وأحاسيس مختلفة

عجبتني النصيحة بس هل من مستمع ؟

حلو صرتي خطابة بعد يله لك الأجر إن شاء الله :)

أما سالفة الشعر فلا تعليق :)
دمتي بخير غاليتي :)

Amwaj يقول...

سالفة الشعر هذي ملوعة جبدي
قبل يومين وآنا بالجامعة وتحديدا بكليتي ولا يطلعون جدامي 3 مغترين وشعرهم طويل

غير إن شكلهم لوعة, عيب والله كل واحد شطوله شعرضه وهذا شكله
بدون مبالغة مشيت وآنا أطالعهم ومو مستوعبة أشكالهم !!

مرام يقول...

أتفق معاج تطويل الشعر للرجل شئ مقزز مو كل موضه تطلع نسويها

ويا بخت من وفق راسين بالحلال
;p

غير معرف يقول...

من نعم الله على المرء أن يعرف مرحلته العمريه ويتصرف قد عمره
وحمدي ربج ماعانيتي إنج فقدتي لمستج النقابيه
سالفة الشعور (سوفاج) يعني هلاقه
وبعد إنتهاء آخر بوست جامعي
إن شالله ما نقرأ منج إلا كلام طيب يخلو من معاناة البحث عن وظيفه
و الشكوى منها
بالتوفيق

غانم يقول...

شنو هذا؟؟!!
مهارات خاصة يا BookMark

بس عجبتني سالفة الشعر الطويل تحت الغترة، على قولة المصريين: ""توحَف"*



*هذه ليست بدلية، وإنما لبيان نطق الكلمة باللهجة المصرية، ولكي تتلذذوا بنطقها :)

شهرزاد يقول...

عزيزتي
اجمل شيئ هو ان لكل مرحلة عمرية اهتماماتهاوميولاتها
والله لا تغضبي مما تراه العين فكثير ما يغضب ابحثي عن شيئ يبهجك تحياتي

BookMark يقول...

مبدعة

كلهم مقززين ومقرفين بعد p;

BookMark يقول...

الغاردينيا

هههههه شفتي شلون
ولا يهمج أحط اسمج باللستة p;

شكرا للمرور العطر :)

BookMark يقول...

سيما

يعني دعوة للهلاقة؟ p;

الناس أذواق وانا اختج
عسى ماينحدر ذوقنا جذي

لووول صح يابخته!

BookMark يقول...

eng_semsem

إلى هذه اللحظة مش عارفة ليه!!


شكرا للزيارة الأولى
أهلا بك :)

BookMark يقول...

Engineer A

ايي حده!
حسيت اني غريبة أصلا لما دشيت الكلية!

خلاص صارت ذكريات ويامن ينساها :)

BookMark يقول...

الجودي

صاجة
يمكن ليلحيني متعلقة بذيج الأيام ومومتقبلة واقع الشغل،
بس خلاص راااحت :)

حياج :)

BookMark يقول...

سلة ميوة

يااا حبي لج :$

هههههه صح السؤال المناسب للحالة المناسبة!
نوع الشامبو اهو السر!!

يصبحج بالنور والسرور ;**

BookMark يقول...

mrmr

صحيح التجديد حلو لكن بحدود
مش مثل الراجل العجوز الي عايز يتجوز p;

صباح الورد :)

BookMark يقول...

الحياة الطيبة

صح اش له بالزواج؟
بس واايد شياب تزوجوا ويبون يتزوجون D:

لووول صح تجديد الدماء بالحجامة

وفقدان الهوية شي يضيق الخلق

صباحج ورد وجو حلو ;*

BookMark يقول...

AMANI

صاجة والله وهذا بني ادم كله موراضي بحاله،
كل مرحلة نقول قبل كنا أحسن وليتنا ماكبرنا بس هذي الدنيا ماشية وماشين احنا معاها

هههههه افا عليج حاظرين للطيبين عطيني المواصفات الي تبينها وأحط اسمج باللستة لووول p;

صاجة بعض الرياييل نقول احنا أرجل منهم :/
الله كريم

حياج الله سعيدة بزيارتج :)

BookMark يقول...

حديث الفجر

الحين انا صرت عيووز p;
لا تدوسينلي على طرف ترى عقدتي العمر لووول

ايي يختج شفت الوضع ومادري حسيت اني ضايعة ف قلت اقعد اشرب قهوتي واخطب حق الأوادم ابرك Pp;

ايي من العاملات وتبين أصدمج أكثر؟؟
لالا خليها حق لما أشوفج عالطبيعة p;


ههههههههه الخطابة هذي الي تطنزين عليها تسوي شي مفيد عالاقل ويعمر المجتمع << خووش عمار

اي والله شكله مسشور ولا شلون أنعم من شعورنا الله يصلحه

البدليات عورت عيني وتوقعت أكيد توها مفتحة p;

الله يبارك فييج
آمين الله يوفقهم وينجزون بالكلية مو الفوز وبس :)

ياحلاتج يا حديث يافجر
صباح الخير ;*

BookMark يقول...

مي

هذا السؤال الي يطري على بالي!
ليش واشيبي بالزواج والبنت شتبي بالشايب؟؟
لووول نخلي الإجابة لهم

ههههههه اي لي صار خشن ومفلفل بعد ياخراابي

المهم

صباحج سكر ;*

BookMark يقول...

سامي

أشوف الشماتة اشتغلت!! :)

BookMark يقول...

Lotus

الله كان لج عصر ذهبي بهالمجال؟ ;)


ههههه اي قووية!!
بس جايز مااستبعدها ;)

BookMark يقول...

كوكتيل

صباح الورد ياورد ;)

صح لما تزورينها عقب التخرج تحسينها غير
جنها تغيرت والصج احنا الي تغيرنا


الخطابة جنه مشروع ناجح شرايج ادشين معاي؟ p;

مشكورة عالزيارة
حياج الله :))

BookMark يقول...

أمواج

وااي الله يعينج
انا جذي اقولج انصدمت لما شفتهم
يعني شايفة هالاشكال برة بس انصدمت بالجامعة في جذي؟؟!!

صج لوعة عالصبح p;

صباح الخير :)

BookMark يقول...

مرام

صح مو كل موضة حلوة!

ويابخت من وفق راسين بالحلال..
برايج يعني أستمر بهالمجال؟ p;

BookMark يقول...

تحلطم

انا متوظفة صارلي سنة وكونت ثروتي p;

الغرض من هالزيارة الجامعية استرجاع الذكريات لاأكثر

BookMark يقول...

غانم

يمكن .. مهارات خاصة ؛)

اي والله توووحَف!
اوصلت وانفهمت ،، خفيفة اللهجة المصرية

BookMark يقول...

شهرزاد

المشكلة أن ما نراه مؤلم للعين جدًا !

سأفعل وأبحث عما يبهجني :))

شكرا ياصديقتي

BNT ELISLAM يقول...

لعن الله الله الرجل المتشبه بامراءه
ولعن الله المراءه التى تتشبه بالرجال
موضوع حلو وملفت للانتباه
تقبل مروورى

طموحه يقول...

السلام عليكم

اي و الله لكل مرحله و عمرها
الله يعطيج العافيه خوش شغله يا بخت من وفق راسين بالحلال (لووووووووول)
اما الشباب فهذي موضه القرن ما ادري متى نتقرض

موفقه ناطرين يديدج *_^

خاتون يقول...

السلام عليكم
على الرغم من انني لا أزال في المعترك الطلابي ولم أصل لمسرح التخرج
إلا أن شأني كان من شأنك وأكتفيت بالتفرج بعدما كان العمل النقابي جزء من حياتي وشخصيتي ولكنني قررت الإنسحاب بسبب مبادئ وبالاضافة إلا الإنهاك وأنه الدراسة والجامعة استنزفت طافاتي وأنا اللي كنت رايحة رادة من العلوم لي هندسة فوق الثمن مرات على التوالي بدون ما أقعد ولااشكي ماكان على ويهي غير الابتسامة
بس الحين لو يطلبون مني روحة وحدة وردة من هون لهنيك راح أقعد وقول مابي هذا مكاني

أهم شي الخطبة ...يقولج يا بخت من وفق راسين بالحلال هههه

أنا أعتقد الشعر إذا كان في طول حلو بس لمن يكون مغسول عدل وفرش ويعتمد على تقاطيع الوي و الكريزما بس الأغلب ألاحظ شعورهم مدهنة وتكاد تقطر
ههههههههههه خخخخخخخخ
لوعت جبدج مو

موفقة حبيبتي ^_^ Be positive

نبضُ الأدب يقول...

وهيا تآلف ؛q

Hadeel يقول...

أحب الشعر الطويل على البنات .. وخصوصا المفلول مع قذله .. أحس يعطيها أنوثة طاغية ..

في حفلة متفوقين كلية الصيدلة .. كان هناك بنت .. دفشة .. وحركاتها عشوائية .. بس شعرها الطويل أعطاها منظر أنثوي جميل ..

بس على الشباب .. يشعرني بالتقزز

ذاك اليوم شاب .. حرك رأسه لليمين بدلال وغنج ليبعد القذلة عن وجهه .. لك أن تتخيلي @@

وايد مواضيع مو قاريتهم سأعود لإلتهامهم .. هذي ضريبة الإنشغال بالدراسة .. ننحرم من ناس حيل نحبهم ونحب حروفهم

azhar يقول...

والله السالفه مره معكووسه
البنات يحلقون والعيال يربون
بس عندنا ظاهر الشعر الطويل بدت تتلاشى ولله الحمد
خفت كثير
يعني تقدري تقولي طفه في المجتمع وعدت ولله الحمد

وانا معك في رايك : )

لولا الأمل يقول...

لووووول

عجبني البوست :D


اي والله لك زمان رجال .. ولكل زمان رجال ايضا !!!


عن الزواج .. ! على حسب الشريك الآخر .. يا نحس بالشباب يا نرد شيّاب !! واكيد فارق العمر يلعب دور


هذي يسمونها زعانف في المجتمع العقيدي .. ولا بشكل متحضر " ذيل " :P

على قولتج .. قرف !!!


وان شالله الرؤيا اتضحت ولقيتي البنت ؟ :P


> من زمان مو معلق هني !! يالله يعينا عالظروف ان شالله : )

غير معرف يقول...

كل شي تغير وقبل كان أحسن

أي صاج من قال الأول تحول.. شتقولين وشتخلين أمون.. هالجيل الواحد قام يخاف منه

هــديل يقول...

BookMark:

انتخاباتنا الاسبوع الياي وودي قائمتي تفوز .. عندي قناعة إن الفكر أهم شي و لازم ندعم الفكر الي يناسبنا , بالنسبة لي لا أرى الفكر الذي أتبناه في كليتي ولكن سأصوت لفكر قريب من فكري ..و بالنسبة لموضوع روحتج للانتخابات لحاجة في نفسج فقولي لي و آنا أظبطج لوول..

bananaQ8 يقول...

اي والله يا بخت من وفق راسين بالحلال :) انا ماشوف انه تطويل الشعر فيه مشكله لو كان مرتب وبشكل حلو ومو نفس اللي نشوفه بالمجمعات ونظام هلقني

نبراس يقول...

مررررحباااا
وحشاااااناااااا

شوو اخبااااريييك؟ :) اشتقت لحرفج الحين بقرا تدويناتج
الي طافتني


ههههههههههه ساااايره خطابة :p يابت ياختييييره
بخصوص الخطابة الاسبوع الي طاف ع بونه شادين حيييلنا
اختي ووحده :)
هذي رفيجتها واحد سمعت عنه يبي يخطب جان تقول لاختي
بقولهم عن الي تسيرلكم فيها كل المواصفات الي
يبيها
جان اختي تقولي
قتلها خلاص اوكي دقي عليها تقولنا عن الولد ؟ يعني نقول لاهلها
ان في واحد بيخطب بنتكم ومو عارفين عنه شي -< يعني طالعه فيها
جان ندق عليها: فلااانه جم عمره؟
مادري
فلااانه شسمه؟
مادري
فلانه شوظيفته؟
مادري
هوّ انزين منو امه منو ابوه فقع ماله اهل اهو؟
مادري بس اعرف انه من العايلة الفلانية



لووووووول مشرووووع خطابة فاشلة
:p ,


وبخصوص الشباب هالنوعيه اشكالهم مو شيّ :)
هلقني اكثر ، الله يهديهم :)

غير معرف يقول...

السلام عليكم ورحمة الله وبركاته

موضوع رائع يارائعه..

هناك ذكريات لاتستطيعين نسيانهاولو مر عليها قرون وايضا عندما تريدين اعادتها وفعلها كذلك لاتستطعين لانها لم تعد تناسبك او لم تعودي تستغينهافتكتفين بالنظر وارجاع الذاكره للوراء ولكن مع التذكر سأواصل حياتي واعيش واحب وافرح وامرح واتحدى في كل مرحلة من مراحل حياتي المختلفه..

خطابة خير دووم يارب..


الله يهدي ويصلح شبابنا سندنا ..

كوني بسعاده.

الموسوعة الحرة يقول...

تحية طيبة...
خواطر معايشة يومية جميلة...
دمتي بخير...

BookMark يقول...

BNT ELISLAM

عزيزتي أسعدني مرورك

أهلا بك :)

BookMark يقول...

طموحة
وعليكم السلام والرحمة

صح يا بخت من وفق راسين بالحلال p;

والجيل هذا كل يومين لهم موضة
الله يستر من الياي ;)

حياج الله

BookMark يقول...

خاتون
وعليكم السلام ورحمة الله

والله مادري شقولج أحسن انج ابتعدتي ولا لأ،
المبادئ إذا بتشوفين وين تلقينها ماراح تلقين شي يناسبج بالضبط،
ف شي طيب انج تشوفين الأقرب لج، مو شرط مطابق تماما لكل مبادئج،
واذا كان العمل النقابي يأثر على الدراسة فـ "بلاه"
بس على فكرة وقت التوظيف يمكن تكونين انتي وزميلتج مقدمين نفس المكان، وعندكم نفس الشهادة ونفس التقدير، بس الي لها نشاط طلابي تنقبل والثانية لأ،
وهالشي صار معاي شخصيًا،
الكل يحمل شهادة بس مو الكل نشيط اجتماعيًا


ههههههه ماعليه مقبولة منج يا خاتون،
لوعة الجبد إذا تبين توصفينها من اليوم لي باجر ماراح توفينها حقها p;

مشكورة :)

BookMark يقول...

نبض الأدب

هيياااا D;

BookMark يقول...

she is me

يا لطيف!
مصدق نفسه الأخ مع قذلته ;))


الله يوفقج ويسهل عليج
لكم كل العذر حبيبتي ;*

BookMark يقول...

azhar

اي والله كل شي مقلوب هالأيام

هههههه الظاهر تشافوا الشباب عندكم وانتقلت العدوى لنا p;

حياج الله :))

BookMark يقول...

لولا الأمل

سعيدة أنه أعجبك :)

-ذيل وزعانف وخياشيم بعد! p;


-صح! هناك زواج مُشبب
وآخر مُشيّب!


-البنت موجودة بس المشكلة في إقناع الرؤوس العنيدة ;)



الله يسهل أموركم :)

BookMark يقول...

Slashy

الجيل هذا جيل العجايب!
الله كريم

منورة ;*

BookMark يقول...

هديل

عين العقل
إن لم يكن الفكر الذي تحملينه موجودًا ابحثي عن أقرب شيء له

الله يوفق قائمتج أي كانت ;)

هههههه يعني؟!
خلاص المرة الياية نطلب استشارتكم

نورتيني :)

BookMark يقول...

bananaQ8

صح يمكن إذا كان الشعر مرتب وبدون تهلق مافيه أي مشكلة

بس الغالب والي نشوفه شكله مقزز!

حياك الله :)

BookMark يقول...

نبراس

يااا هلاااا ومرحباااا
له له ليه كل الغيبة دي؟!!
وحشاااني يا بت ;***


هههههههه ويي من صجهااا !!
هذي مو زين تخطب مرة ثانية p;
بدددعت !

نورتي حبيبتي
لا تقاطعين
وننطر يديدج ;)

BookMark يقول...

رندا الجنوبية

ياهلا وغلا

صدقتِ، بالضبط هذه المراحل وإن كنا لن نعيد الزمن للوراء لاسترجاعها فقط يمكننا تذكرها، والبقاء مع عالمنا بكل تفاصيله :)

نورتيني يالغالية
وسامحينا على القصور ;*

BookMark يقول...

OPENBOOK

سعيدة لتواجدك أخي الكريم

أهلا بك :)

Seldompen يقول...

مساء الخير ..

أشتقت أن أكون هنا ؛)

معكِ حق فيما قلتِ , فلكل عمر حماسه ولكل مرحلة تعيشينها في الوقت ذاته جمال , ولكن حين العوده من جديد من بعد طول غياب , تشعرين بغربة الروح ,ورغم حبكِ لذاك المكان , إلا أن شيء ما يريدك أن تبقي صامتة ..

كلنا يمر بنفس ما مررتي به حقاً ..


....


أجل صرتي خطابه من ورانا ؛)

ونعم الخطـابة ..


....

أيي والله , عاد الشبان حدث ولا حرج , يا حبهم لأي شيء يلفت الأنتباه ,
وطبعاً الأمر عام لكلا الجنسين في مسألة حبهم للفت الأنتباة ..
مانقول إلا .. ربنا المستعان بهذا الجيل ..

كوني بخير غاليتي دائماً ^^

أرق تحية لقلبكِ ..

BookMark يقول...

..pen seldom

مساء النور والفرح :))
واحنا اشتقنا أكثرر ;*


وصفتِ وفهمتِ المشاعر بالضبط..
غربة الروح.. والبقاء بصمت
هي حالة نمر بها حال وجودنا في أكثر الأماكن قربًا للنفس ..


الخطابة مشروع ناجح وتجارة رابحة هاليومين ;)

والشباب الله يهديهم
ويكبرون ويعقلون ;)

حياج الله يالعزيزة :)

سجل .. أنا مصرية يقول...

هذه هى الحياة

BookMark يقول...

جمهورية فوضى

صحيح!

أهلا بك عزيزتي :)