الأربعاء، 20 أكتوبر، 2010

مُبادَلة




أقصد بالمبادلة كتلك التي يفعلها الصغار
حين يملك طفلٌ شيئا ملّ منه ويجد شيئا آخر يظنه رائعًا في يد الطفل الآخر
أسرع طريقة للوصول إلى ذلك الشيء وبدون التعدي على الحقوق وإثارة أي مشكلة هو
"تبادلني"؟
وهنا تظهر نظرة ذلك الطفل إن كان ذكيا فطنا أم لا
قد يكون هو الآخر قد مل لعبته ويرغب في استبدالها
ووجد في هذا العرض فرصة لا تفوت خصوصًا إن كانت اللعبة البديلة قد راقت له
أما إن كان ما في يد الطفل المبادِل متهالكًا وغير مشوق ، فإنه سيرفض بالتأكيد
إلا من بعض الأطفال المغلوب على أمرهم حين يرضخون لطلبات المبادلة أو بما يسمى الآن بمدأ التشارك "sharing"
بدافع الخوف ... أو المسالمة
من المفارقات التي تحدث لي بسبب المبادلة
أنني أنسى أي الملابس تخصني وأيها تخص أختي
من كثرة ما نتبادل
حتى أنه يحدث أن نتعارك وتقسم كلانا أغلظ الأيمان بأن تلك القطعة تخصها
كما يحدث أيضًا أن تتخلى إحدانا عن قميصها أو تنورتها وتصر على أنها ليست لها
والسؤال هنا هل أكون قد كسبت قطعة جديدة تضاف إلى ثيابي
أم أني خسرت قطعة ضمتها أختي إلى ثيابها
أم أن الخسائر لا تُذكر حين تكون مساوية للمكاسب
وحين لا يكون لأحدنا ملكية خاصة أبدًا؟!


*ماذا جرى لبلوقر؟
أتعانون من بعض المشاكل عند إنشاء تدوينة جديدة؟

48 التعليقات:

Seema* يقول...

الشي من يطلع من عندج..خلاص انسي يرد!
عشان جذي أنا ضد مبدأ الاستعارة! ;p

بالزوارة من اسبوعين كانوا اليهال ماسكين الـ بي أس بي
ويّو اللي أكبر منهم وبسوء نية عطوهم الـ آي بود على أساس ان ألعابه أحسن..ولما خلص شخن البي أس بي ردوهم لهم وخذو الـ آبود!!
:\

البلوقر عندهم مشكلة صغنونة باجر تنحل!

BookMark يقول...

سيما

لووول شنسوي حكم القوي p;


والله مو هينين اليهال ال"كبار" !
الحرب خدعة، والتجارة شطارة، وال.. بس جنه ماله شغل D;

اهاا، زين قلتيلي!
لأني انغثيت!
;)

رورو الشخبوطه يقول...

امم انا وصلت هالمرحله مادري هالشغله لاختي او لي بس الحين كل وحده فينا مقاسها غير ..

بس لازالت المشكله مستمره مع اختي الصغيره الحين خخ اعطيه الشغله وانسى عقب اقولها هذي مو مالتي !!

البلوقر كتب تنويه عنه بس انا توني منزله بوست كان الوضع اوكي ..

ومشكوره..

خاتون يقول...

خلاص مالكم إلا حل يدتي علشان تفرق بين دشاديش بيض نفس الشكل والحجم
تركي علامة على العلامة إما إنج تخيطين حرفج بالطريقة البريطانية
وإما تشقين العلامة بحركة خفيفة بالمقص هههههههههههههه

وإلا لا تهتمين منو هدوم منو أهم شي لمن تبين تكشخين وتتعدلين تلاقين اللي تبينه وتطلعين بأحلى ستايل
يعني مو شرط تمتلكين الشي أهم شي تحصلينه وقت ما تبينه لأنه هذا أهو سر الامتلاك ومعناه الحقيقي وقت الحاجة الشي المعلق بالكبت لو هو ملكج يظل مو ملكج لأنج ما انتفعتي منه ...إن شاء الله وصلت *_^

أي البلوقر مخرف ما يحمل فيديوات والصور تشلع ىالقلب وأحيانا أعلق وينمسح إهي إهي إهي

وشكرا ^_^

الغاردينيا يقول...

هههههههه

انا واختي نعمل برضه هكذا ونتبادل بس ماننسى ممتلكاتنا حافظين تمام اشياءنا

و كلمة تبادلني هذة هههه جزء من طفولة
كل واحد .. تبادلني و تصاحبني ولا تقاطعني و اتذكر مواقف ماكان فيها شئ اسمه تبادلني .. فيها ان حد يتبلى عليا ويقول اللى بيدها حقي ههههه

بوست ظريف و نورت مدونتك من جديد حبيبتي اما بلوجر فلا انا الامر عندي عادي خير وان شاء الله مايتكرر معك الامر

تحية عطره

سلة ميوّة يقول...

اجابة سؤالج

اي!!! اعاني وايد...ومادري ليش الورد مو راضي يسويلي رجستر



وعن المبادله

ذكرتيني ...بطفولة شريرة:)
مادري من وين سمعت هالجملة
ومن وانا صغيرة كنت اقص على اليهال فيها
واخليهم يتشاركون معاي..

كل شروكة مبروكة!!

:)

قولي شلون وانا عمري 6 سنين اقولها
هنههه
وليش؟؟

طبعا على شان اتبارك باللي بجيس غيري:)


يامسى الانوار

لولا الأمل يقول...

يحظج اختج تلابسج !!

لو انا منكم .. ما اهتم هالقطعة لي ولا لأ .. اهم شي انج تلبسين منها وهي تلبس منج بشكل مستمر .. بدون حقوق ملكية :P

واذا صدف ان اثنينكم تبون تلبسون شي معين .. لازم واحد فيكم يتنازل عاد :P
وذا محد تنازل يرد السؤال .. القطعة هذي حق منو؟ :P


ممممممم .. من زمان عن التدوين .. فمادري :(

مـي يقول...

خخخخخخ

أنا لما يقولون لي خواتي مبادلة ..
أضحك واقول اخذيها.. أدري بنساها.. ومع الوقت تصير لهم !!
حتى السلف.. خواتي ياخذون مني وعقب مدة يردون الفلوس .. أبدا مو حاسبة حسابها.. اعتبرها هدية حصلت عليها..
;)

/

البلوجر؟
مافيه شي عندي ، ماشيه أموره..والحمدلله..

Sami يقول...

بالوهله الاوى قريت العنوان غلط ..مباهله !!
قبل عندنا " شروكه" ..بكل شي نتشارك ..علمونا اهلنا ان " كل مشروك مبروك "

Amwaj يقول...

والله آنا مع اختي عندنا مبادلة وخاصة بالإكسسوارات
آنا من النوع اللي أنسى إذا كان الخاتم مثلا حقي أو حقها
بس عادي ما يهمنا خاتم منو لأن المبادلة متعودين عليها :)

يعطيج العافية *_*

كوكتيل يقول...

صباح الخير على الحلوين :)

التبادل شيء يونس ليش أشتري الشغلة وعند إختى نفسها أخذ شيء ثاني ونتبادل وفي هل حالة يصير عندي كذا شيء :)

وفعلا أهم شيء مثل ماقالت خاتونه أني ألقى الشيء في الوقت اللي أحتاجه فيه :)

بس شنو نسوي بتوارد الأفكار مشكلة :)

بوست ظريف كصاحبته :)
دمتي بألف خير:)

البلوقر أنا بسوي حملة تفجير حياك :)

صفحات مُلطخّة بحروفي يقول...

أذكر قبل نتبادل ستكرزات .
-
أما بالنسبة للملابس حالي من حالج ،
تمّ القضاء على مُعظم ملابسي .
بدون لا أحصل على شي بالمُقابل .

~أم حرّوبي~ يقول...

يقولون تبادل الاشيا كالملابس يزيد المحبة مادري صج ولا لا ..انا واختي وايد نبادل اغراض وهي اقرب خواتي :)

هيه انا بعد اتبهدل لين انزل تدوينة يديدة ..مايطيع ينشر !!

BookMark يقول...

رورو

يالله متى اوصل لمرحلة اختلاف المقاسات وأفتك p;


الله يبشرج بالخير عيل أنزل بوست تجربة ;)

BookMark يقول...

خاتون

ههههههه اتهقين جذي؟
أشقق بالهدوم ولا أحط علامات بالخيوط p;

على قولتج حلو تلقين الشي متى مابغيتي،
وتصير عندج أشياء يديدة كل مرة ;)

البلوقر استخف، مو بس جذي يتركلي مسافات سطر وسطر يحليله يعني مرتب وانا ماكو شغل بس امسح واعدل!
بس ان شالله تعدل

حياج :)

BookMark يقول...

الغاردينيا

أشوة يعني كل الخوات جذي ;)

الله ذكرتيني بـ تصاحبني وتقاطعني وتحاربني!
والله ذكريات مأساوية ماعندنا شغل بس نصاحب ونحارب ونسامح لوول ;)

حياج الله :)

BookMark يقول...

سلة ميوة

ومايتكبر الخط ولا يتصغر! شالحكم! p;


هههههه أشوة ما لحقت عليج وانتي صغيرة،
جان كله امبجيتني p;

بس صج انتي من الناس الي ودي أشوف لهم فيديو واهما صغار! ;)

مسا الورد والويكند ;*

BookMark يقول...

لولا الأمل

اهي ميزة وعيب!
ميزة التجديد،
وعيب المشاكل الي تصير مرات وبدون تنازلات لوول p;

ولا اذا لقيتها لابسة شي واقولها انا كنت ناوية ألبسه اليوم!
لووول اهني الطامة الكبرى p;

BookMark يقول...

مي

هههههه اي والله تصير مع الايام لهم
صح والسلف بعد نفس ماقلتي
حلوة الهدية غير المتوقعة ;)


البلوقر
عسى تدوم أموره ماشية ;)

BookMark يقول...

سامي

مباهلة!
لااا! الله لا يقوله

قبل عندكم شروكة، والحين؟
صح كل مشروك مبروك ;)

BookMark يقول...

أمواج

اييه الاكسسوارات بعد حدث ولا حرج
لووول،
بس وناسة حلو الشي الي مومحصلته عندج تلقينه عندها ;)

حياج الله :)

mrmr يقول...

المبادله برضى دليل على المحبه
ومافيش مانع ابدا من التبادل فى الملابس فقط مع الاخوات لكن الاصدقاء فانا لا احبذ ذلك

BookMark يقول...

كوكتيل

مساء الخير على الغالين ;)

عدل كلامج
ما يحتاي ندور ونحوس ونتعنى اذا احتجنا شغلة سريعة ;)

توارد الأفكار شي طيب ;)


هههههه الله حملة تفجير!
انا اوول وحدة p;

مشكورة حبيبتي :) حياج الله

BookMark يقول...

صفحات مُلطخّة بحروفي

ايي والله ذكرتيني تبادل الستيكرات!
تذكرين كنا دفااااتر ستيكر والي تيمع أكثر p;

ههههه شكلها مشكلة منتشرة

حياج الله :)

BookMark يقول...

أم حروبي

صج؟
جايز والله
وعساها تدوم وتزيد المحبة ;)


البلوقر الله يهديه بس

حياج الله :)

BookMark يقول...

mrmr

صح يعني مستحيل تبادلين مع شخص إلا إذا كان قريب وحبيب ;)

المبادلة مع الأصدقاء أتفق معاك،
صعبة شوي

نورتيني يالعزيزة :)

azhar يقول...

ههههههه ياحلوها المبادله
المشكله لابا\لت مع احد شي ثم بعد مده رجع يقول خلاص مابي ابادل وبالمقابل لابادلته يعيي يقول مو انت بادلت خلاص راحت عليك هههههه

بصراحه زمن جميييل كل شي فيه بسيط

ebtsamh يقول...

يا حلاتج book

ذكرتيني بطلبتي يتبادلون ويلعبون

تالي بجي ابللللللللللله خذا مالييي

آه يا راسي .. صداع اقتراني من مجرد

الذكرى ..

الله يخليكم لبعض يا رب ..

شهرزاد يقول...

عزيزتي
المهم من كل دا انك تلبسي
مش اختك وقاعدين في نفس البيت خلاص
ولا يهمك
ما الدول الكبرى بيتبادلو هي جات عليك
خليك كول
وبلاش
تفكري فين قطعتك وفين بتاعة اختك اعتمدي مبدأ السوق المشتركة الحرة
بالتوفيق

ابو فارس يقول...

أشعر اني في أكبر اكتتاب

المبادلة: من انجح التعامل في التجارة
تجعل الكل يعمل, لكى يشترى ما يريد
واحسن من العملة, نتمنا ان تعود لكى نرتاح من البنك الدولي ومشاكلة.

* بلوجر صعب جدا هذه الايام تحى القوالب التى عنده لاتعمل بشكل صحيح

دمت متميزه

الليوان يقول...

والله أنا ما اعرف هالشعور :(
لأني وحيدة وماعندي خوات
بس قاعدة أطبق هالمفهوم
على عيالي
الله يعطيج العافية
:)

she is me يقول...

بالنسبة للمشاكل
ايي واايد واايد .. يمللني يلا يظبط
قمت أعاني لمن يكون عندي شي بنزله .. لاني بضيع ساعةإلى 2

قطعتي ولا قطعتها .. بكبتي ولا بكبتها .. أهم شي موجودة ما ضاعت^^
والي مو قطعتي ولا قطعتها يعني ملينا منها ثنتيناتنا فضروري تسريحها..

طموحه يقول...

السلام عليكم

ذكرتيني باختي لي يومج و احنا ما نفرق هدومنا من بعض

اول كنا كل وحده تقول هذي قطعتي و لا قطعتج الحين لأ

اذا عجبتنا قطعه ناخذها و تكون لنا ثنتينا

لكن المشكله ان كنا نبي نلبسها في نفس الوقت اهني يصير الهواش كل وحده تقول مالتي بالنهايه لازم اتناول انا لانها اختي العوده ههههههه

و بالنسبه للبلوقر مخرف من زمااان ما ادري شنو سالفته مرة يمسح على كيفه و مره يعلق قعدي سبوع على ما يضبط معاج

موفقه *_^

BookMark يقول...

azhar

ايي صح اذكر اطفال من النوع هذا يبادل وبعدين يهوون لوول

صج زمن جميل ومادري عن اطفال هاليومين شلون صايرين ;)

حياج الله :)

BookMark يقول...

ابتسامة

:)
الله انتي عاد اتمر عليج هالمواقف يوميا ;)
هههههه سلامتج من الصداع

تسلمين بعد عمري ;*

BookMark يقول...

شهرزاد

صح!
السوق المشتركة الحرة!
تشبيه بليغ p;

صح مش مهم، المهم التبادل يفيد الطرفين ;)

أهلا بك عزيزتي :)

BookMark يقول...

ابو فارس

لووول اكتتاب!

صح كلامك
لو أن سوق المبادلة والمقايضة يعود ;)

أهلا بك :)

BookMark يقول...

الليوان

:(
أنبني ضميري

ان شالله تعوضين هالشي بعيالج :)
الله يخليهم ويبارك فيهم

نورتيني :))

BookMark يقول...

she is me

اي والله يضيع الوقت وايد!!
**

لوول عاد انتوا ماشالله توأم
يعني هالشي ممكن يكون وارد وبكثرة ;)

وعدل كلامج :)

BookMark يقول...

طموحة
وعليكم السلام

ايي اهني المشكلة لما ثنتينكم تبون الشغلة بنفس الوقت!
شوفي منو يتنازل عاد
هههههه
بس زين تسوين احترام الكبير واجب p;

حياج الله :))

..pen seldom يقول...

مساء الخير ..

أما أنا فلا أتبادل مع أحد ..
فأختي التي معي في المنزل تصغرني كثيراً

=)

المهم أنكِ ستلبسين ماتريدين , حتى وإن لم تعرفي إن كانت لكِ أو لأختكِ ؛)


.. أممم لم أعاني من أي شيء , ربما حدثت بعض المشاكل في الايام التي لم أدون فيها ..

إن شاء الله بس عادت الأوضاع سليمة =)


أرق تحية لكِ ..

t7l6m.com يقول...

الله يخليكم حق بعض

~حَدِيـثُ الفَـجْـر~ يقول...

مبدا المبادله او "sharing" مال اليهال واايد احبه ولي الحين اتبعه بحياتي ;qq

اما بالنسبه حق الخوات الي " يتلابسون "
لوول فما اتوقع في حل او هدنه لطرفين لحل او فض النزاعات ;qq

BookMark يقول...

..pen seldom

صباح الورد :))

عيل ماجربتي المعاناة p;


يقولون أن الأوضاع عادت سليمة
ليلحين ماجربت ;)

حياج الله :)

BookMark يقول...

تحلطم

آمين
تسلم :)

BookMark يقول...

حديث الفجر

خوش مبدأ صح p;


لووول صح مافي حل غير إن وحدة فيهم تكبر p;

صباح الورد :)

aL-NooR . يقول...

ايييييييي
ذكرتيني بالزوارة كنا كل ما انروح الجمعية .. نرد نسوي شرووكة ..بس بعد فترة اكتشفنا ان في يهال كانوا ..ياكلون معانا ..و يبلشون ياكلون اكلهم .. من بعدها وقفنا
هههههههههههه


المبادلة ..
شي حلو .. احبه ..بس لما اكون متأكدة انه اللي اتبادل معاه انسان يحافظ على الشي مالي مثل ما انا احافظ على اغراضه ... :)


*******************

BookMark يقول...

النور

اييي أيااام، الجمعية وشروكة الككاو p;


صح أهم شي انه يحااافظ على أغراضي ولا مستحيل أبادله ;)

صبحج الله بالنور يالنور