الأحد، 6 يونيو 2010

اليابانية


قريبًا ،، سأتخلى عن يابانيتي الصغيرة المدللة،
بعد رفقة دامت أربع سنوات وأكثر،
قراري هذا جاء اضطراريا وليس نابعًا من أي رغبة مني،
إذ قررت التنازل عن صحبتها لأجل عين أسلافي وأولياء عهدي،
ومن سيرِثوني في حياتي،
وهكذا هي الحياة مليئة بالتنازلات كي تستمر، ونستمر نحن معها وبها ،،
وكان لزامًا علي أن أجد بديلا لتلك الرفيقة الراحلة،
الوفية المخلصة
التي ماانفكت تلبي رغباتي وحاجاتي، وتسير طوعًا لإرداتي، وكانت رهن إشارتي على الدوام،
فكرت وبحثت،، ومحصت ونقحت،
وشاورت واستخرت
ولم أجد بدًا من اقتناء يابانية أخرى، أكبر حجمًا، وأثقل وزنًا ومكانة،
ولها حضور يليق بسيدة مجتمع تواكب العصر ومتطلباته ،
وحيث أنني لم أستطع تحمل تكاليف الأوروبية المغرورة في حضورها، المبالغة في تأنقها،
كثيرة العلل، قليلة العمل، المرفهة المترفة،
ولم أتقبل الأمريكية بغطرستها ورعونتها،
ومظهرها المائل إلى "الدفاشة"
ولم أستسغ مظهر الكورية البالية، ولا الصينية المقلِّدة الإمّعة،
لكل تلك الأسباب
قررت التمتع بصحبة يابانية أخرى ، تكمل ما بدأته الرفيقة الأولى
وتسير على خطاها ،، وتخلص لي ما شاء لها من العمر أن تخلص :)

49 التعليقات:

أبو فارس يقول...

السلام عليكم
ربنا يبارك لك فيها
ويرزقك بخيرها ويكفيك شرها

دمت من الاوائل
تحياتي

AmnOoh83 يقول...

يعطيج خيرها و يكافيج شرها

و شر عيون الناس

ebtsamh يقول...

تتربى بعزج :I

نمووول يقول...

لا يوجد افضل من اليابانية
خاصة لمثل مجتمعاتن ..

بالتوفيق ..

لولا الأمل يقول...

اي الياباني يكد ووفي حق صاحبة .. زين سويتي شريتي وحده

مع انه القديمة تحمل ايام الجامعة واغلب الذكريات الحلوة .. بس يالله التغيير حلوو :P

تحياتي

هو يقول...

انه اقول يمدحون التركيات ^_^

دوري لج تركية احسن

غير معرف يقول...

لا أعرف الفرق بين اليابنية و الأمريكية والأوربية!
ولا أعرف أصلا ما إن كانت مهرتي يابانية أم أمريكية أم أوربية^^

كل ما أعرفه أنها مهرتي الأنيقة طوع سويجي^^
وما أعرفه أيضا .. أنني طلبت واحدة منذ سنة تقريبا فاختاراها والدي لمزايها الذي يرونها همفيها..
ربما كانت جنسيتها أحد هذه المزايا وأهمية دوري كانت في اختياري للونها^^

الله يعطيج خير يابانيتج ويكافيج شرها^^

she is me

Seema* يقول...

الله يعطيج خيرها ويكافيج شرها
عساها تكون أحسن من اللي قبلها وأريّح :")

صبا يقول...

يعطيج خيرها ويكافيج شرها يارب

عليج بالعافيه انشالله تكون مريحه واحسن من الي قبلها ..استانسي فيها ...

الجودي يقول...

الله يعطيج خيرها و يكافيج شرها و يبارك لج فيها ...

ذكرتيني بمشاعري وأنا أخذ هالقرار إلي لي الحين ما نفذته ..

Sami يقول...

الله يعطيج من خيرها و يكفيج شرها

may يقول...

الله يعطيج خيرها ويكافيج شرها..

أطالبج بتمشي

^_^

~أم حرّوبي~ يقول...

شو السااااالفة ؟؟؟ (خخخ داخله عرض)

BookMark يقول...

أبو فارس
وعليكم السلام

شكرا على الدعاوي الطيبة :)

ودمتَ من الأوائل أيضا

BookMark يقول...

Kurinkato

تسلمين عزيزتي ماقصرتي

حياج الله :)

BookMark يقول...

ابتسامة

آمين :))

BookMark يقول...

نمول

نعم هي الأفضل بين الخيارات الأخرى

مع احترامنا لكل الأذواق

شكرا :)

BookMark يقول...

لولا الأمل

صدقت .. تحمل أجمل الذكريات

بس شنسوي لاجل عين تكرم ألف عين :)

وافتقدنا وجودك عسى المانع خير؟

BookMark يقول...

she is me

في الفترة الأخيرة وبسبب حاجتي لاستبدال "المهرة" كما وصفتِها
صرت أعرف كل التفاصيل وأخوض في الجنسيات والأصل والفصل والتجميع والتصنيع،
يبدو الأمر مزعجا .. وليس من اهتمامي أبدا
ولكنها الحاجة :)

تعرفي على مهرتك أكثر .. وستعشقينها أكثر بالتأكيد

وبالتأكيد لن يخفى على أحد دورك الكبير في اختيار اللون ههههه ;))

BookMark يقول...

الجودي

اي والله صعب هالقرار ويبيله وقت

انا بعد ليلحين مانفذته بس قولي ان شاالله ماأغير رايي خو كل يوم أنام واقوم لي راي ثاني :)

مشكورة يالغالية :)

BookMark يقول...

سامي

تسلم ماتقصر :) بس ترى ليلحيني ناطرة الطيارة الأميرية وانت وعدتني

BookMark يقول...

مي

يزاج الله خير

أفا عليج انتي بس أشري :))

لولا الأمل يقول...

عسى المانع خير؟

كل الخير ان شالله .. بس مضغوط بالكورس الصيفي .. وبعد شهر افضى ان شالله :D

مشكورة عالسؤال خييتي

BookMark يقول...

أم حروبي

السالفة ومافيها اني قررت أغير الموتر :)

ادعيلي بس أتوفق واخذ الشي الزين

BookMark يقول...

لولا الأمل

يالله الحمدلله .. وعسى يعدي الشهر على خير ونجاح وتفوق :)

جنون الصّمت يقول...

تلك اليابانية

تربطني بها ذكريات جميلة جداً .. وإن كانت قليلة :")

لما اشوفها بالمنطقة يفز قلبي واقول يمكن اهما ;p !

يعطيج خيرها ويكفيج شرها ان شاء الله ^^

وسلمي اليابانية القديمة حق ابنة الـ 18 ربيعاً تجرب فيها ;p

BookMark يقول...

جنون الصمت

هي تفتقد وجودك على مقاعدها دوما :)


وابنة الـ18 ربيعا ستصاحب اليابانية لا محالة ;)

إلا إذا كان هناك اعتراض منها لا سمح الله !

الزين يقول...

يعطيج خيرها ويكفيج شرها

:)

~أم حرّوبي~ يقول...

زين زين توني أحشرهم أبي أسوق ..يقولون ماعندج ليسن ><
الله يعطيج خيرها ويكفيج شرها ان شالله

نبضُ الأدب يقول...

جنون الصمت & بوك مارك .. !!

لا تحشـّون بـابنة الـ 18 ربيعًا رجاءً..!

ما أسمح لكم p;

عاد انا يعني مسوية مُقاطعة حق اللاب والنت على بو امتحانات .. بس سبحان الله دشيت عشان أشوف وأسمع الحجي اللي قاعد يدور عني من وراي p; !!

---
والقدر يقول .. مبروك علي يابانيتج القديمة أحطمها بالعافية =/

ومبروك عليج اليديدة مُقدمًا =>

BookMark يقول...

الزين

آمين .. ومشكورة :)

BookMark يقول...

أم حروبي

تاخذين الليسن بحيل الله وتسوقين

عاد مااوصيج بالياباني ;)

BookMark يقول...

نبض الأدب

انحش فيها مانحش فيها عاد المهم اهيا راضية p;

انا اقول كملي مقاطعتج أحسن .. بس الحق ينقال ماسمعتي شي مايسرج D;

الله يبارك لج وفيج :)

طموحه يقول...

الله يعطيج خيرها و كافيج شرها ان شاء الله

AlMai Port l ميناء الميّ يقول...

ربي يعطيج خيرها ويكافيج شرها, الياباني جودة ومكدة.. تذكري في التأني السلامة وفي العجلة الندامه, هالله هالله بالسواقة السنعه. p:

خاتون يقول...

يعطيج خيرها و يكافيج شرها اليابانية كد و مد و ذكية
و مو تنسين دعاء الركوب
و مشوار الهنا
^_^

@alhaidar يقول...

الله يعطيك خيرها ويكافيك شرها انشالله ..

كوكتيل يقول...

الفراق صعب أدري :)

أنا بعد حيل أرتبط بأغراض :)

بس إن شاء الله تكون أحسن من القديمة ويعطيك خيرها ويكافيك شرها إن شاء الله :)

سمو الأميرهـ ..ツ يقول...

الله يرزقج خيرها ويكفيج شرها
(;

BookMark يقول...

طموحة

يزاج الله خير :)

BookMark يقول...

Mai

مشكورة حبيبتي
اي اهم شي التأني !

ولاتوصين السواقة السنعة عندنا هههه بس في حال كنت متأخرة وماعندي رصيد استئذانات p;

BookMark يقول...

خاتون

صاجة كد ومد وذكية

ودعاء الركوب أقوله قبل لا أسكر الباب p;

ثانيكو ;*

BookMark يقول...

أحمد الحيدر

مشكور وماتقصر :)

BookMark يقول...

كوكتيل

اي والله و آه والله انه صعب :)

بس يالله نكبر وننسى ;)

مشكورة حبيبتي ماتقصرين :)

BookMark يقول...

سمو الأميرة

يزاج الله خير :)

Yousefiya يقول...

مبروك مقدماً
ولو إنج طبيتي بالألمانيه ولو مسموحه :)

لج وحشه
حبي

BookMark يقول...

يوسفية

الله يبارك فيج
والسموحة لا يعني احم مو قصدي D;

ماتدرين يمكن اغير رايي على اخر لحظة واخذ ألماني ;)

حبيبتي والله وانتي لج وحشة وفريتج عودة،
كل الشوق ;*

الفنان يقول...

مبرووك مبروك ..
يعطيج خيرها ويكفيج شرها ..

الياباني رمز المتانه ويمسك سعره

بس الالماني احسن ترى :)
بس يبليه راتب حديد ؛)

BookMark يقول...

الفنان

الله يبارك فيك ولو اني مااخذت شي ليلحيني بطور اتخاذ القرار ومرحلة التنفيذ

والألماني زين وموزين
مرة يقولك التكييف مو شي
ومرة قطع الغيار غالي أو ماتحصله
والي خراباته وايد
يعني قلت أكون عالسيفت سايد وأمسك الياباني :)