السبت، 12 يونيو، 2010

South Africa 2010


لا أدري ما الممتع في متابعة كرة تتدحرج
يركض خلفها مجموعة من الناس، يتقاذفونها فيما بينهم،
ومن يفلح في تخطي الجميع
ويتمكن من إدخال الكرة بين العوارض لتحتضنها الشباك البيضاء يكون هو الرابح !
كأس العالم ... أنت تسبب لي الكثير من القلق
وبعضًا من الفوضى
وإزعاجًا خارج غرفتي!
كم تستغرق مدة هذا المونديال الأحمق؟
الوضع هنا إزعاج و ... "لوية" !
***
ضحكت لقول جدي
وهو منطلق في حديثه وفي غاية العصبية:
"هالأجانب ما يبون عيالنا ينجحون ... يتعمدون يسوون اللعب حزة الامتحانات،
يبون عيالنا يتابعون هالمبارايات ،، ويفشلون! "
لا أدري ما هو التوقيت عند هؤلاء "الأجانب" الآن ، وهل أطفالهم في ذروة الاختبارات النهائية أم لا،
ولكن بالتأكيد أن ذلك الذي حدد توقيت المونديال لم يكن يتحرى مواعيد اختبارات طلبتنا ليعلن انطلاق البطولة !
أحبك يبه :)
***
يقال ،، والعهدة على الراوي
بأن كرة القدم صناعة أمريكية ،، هدفها تفريق الشعوب ... والقلوب
قول سمعته وقمت بنقله
لا شأن لي ولا أحسب على أحد ! :)
***
الكل في غمرة استعداداته
بطاقات الجزيرة اقتناها الجميع
وذلك الذي استبدل تلفازه بآخر ذو مليون بوصة
وأولئك الذين خططوا أين سيجتمعون وأي مقهى سيرتادون
وأنتم ماهي استعداداتكم؟
عن نفسي ربما أقوم بتجهيز "الحب المصري" إذا استدعت الظروف وأجبرتُ على مشاهدة المسرحية مع الجميع
تمنياتي للجميع بفترة كأس عالم مليئة بالفوز والانتصارات و ... هدوء أعصاب
ومبروك مقدما للمنتصرين "المشاهدين من بعيد"

44 التعليقات:

شاي الضحى يقول...

الصراحه متعه لما اشوف كرة القدم

وهالأيام تحلى المشاهدة مع الاجواء الحماسيه

تخيلي مجابله التلفزيون قناة الجزيرة واللابتوب قناة انجليزيه والايفون الجزيره بالانجليزي ههههههه

وما اطلع الا حزة البريك (ماكو مباراة) وكل شوي اشوف الساعه عشان ارد اجابلهم

بس الي مو عاجبني اصوات المزامير من الجمهور اووووف ازعاج جمهم ذبان او نحل

:)

BookMark يقول...

شاي الضحى

أمبيه نفسي اليوم اقول حق ابوي شنو يايبين ذبان بالملعب؟
جان يقولي لأ نحل لوووول


يالله حلو انج تستمتعين بهالشي :)

سلة ميوّة يقول...

تبين الصج

انا سويت جدول

للطلعات اثناء كل مبارات
لن ادري الشوارع فاضية و الأماكن بعد

من جذي
مسويتلي برنامج حافل لتمشي والتسكع والتسوق :)


مساج الله بالخير والحب والكرامة

لولا الأمل يقول...

لووووووول

صعب الواحد ينتقد أشهر لعبة في العالم !! ما الوومج .. اذا ما تحبينها وعندكم شباب بالبيت .. اكيد بينقلب البيت وتكرهينها زيادة :P

للاسف انا الوحيد في بيتنا اللي يحب الكرة .. فما عندي سيطرة اني اشترك بقناة واحطها بالصالة واطالع .. خصوصا اذا عارضت المباراة وقت برنامج الطبخ مال امي ...!! وما احب اطالع بروحي .. فاستعداداتي يا بالدواوين يا بالقهاوي بالكويت .. بفالترة الحالية بالموت انسق بين المباريات والدراسة .. عشان جذي أأيد يدج :P

---

بأمريكا عندهم لعبه ثانية اسمها كرة القدم الامريكية .. مشهورة بأمريكا الشمالية بس

وتوهم برزو بلعبة كرة القدم العادية : )

سلميلي على الراوي :P

نبضُ الأدب يقول...

أفففففففففففففففففف

إزعااااااااااج ماني قادرة أدرررس ><
يا عالم راعوا شعور الخريجين ="(

صح لسان بابا عود .. إذبحونا بكاس العالم مالتهم :@@@

مشكلة لما تكون الأغلبية الطاغية في البيت .. من الجنس الذكوري p;
مجبورة تتعلمين منهم شلون يطالعون كرة ><

صبحج الله بالخير والنور :)))

Seema* يقول...

كأس العالم بغير أنه "طمباخية" فهو إنعاش للإقتصاد والسياحة! ; )

BookMark يقول...

سلة ميوة

خوش فكرة!
يبيلي أسويلي جدول عيل :)

صبحج الله بالنور والسرور :)

Sami يقول...

" لاأدري ما الممتع في متابعة كرة تتدحرج
يركض خلفها مجموعة من الناس، يتقاذفونها فيما بينهم"

انتي في عالم ثاني :))

بدون تعليق يقول...

والله عجبوني اللي يتسكعون وقت المباريات .. صج خطة حلوة ^_^

BookMark يقول...

لولا الأمل

اي والله مشكلة اذا البيت كلهم شباب ومشجعين
كارهتهم هالفترة بس p;

من صجك أكييد لازم مايعارض برنامج الطبخ بتاع الوالدة! أكيد على فتافيت وكل يوم طبخة

هههه عيل الراوي طلع مو ثقة،
بس ترى أمريكا تصنّع وتصدّر مو شرط تستهلك اللي تصنعه ;)

BookMark يقول...

نبض الأدب

شتسوين بعد البقاء للأقوى !

مالج إلا تستغلين فترة الصبح بالمذاكرة،
ولا طول اليوم مالج أمل ياحبيبتي ;(

صباح الورد والتوافيق ;*

ebtsamh يقول...

نفس الحاله :ة

مالي علاقه بالكره الا لما اتحرش بحمود

خالي :)

BookMark يقول...

سيما

لازم كل شي وراه شي مادي

وآخ من هالطمباخية ;)

BookMark يقول...

سامي

عالم ثاني @@

شلون يعني؟؟

خبري فيني مكاني ماتحركت :)

BookMark يقول...

بدون تعليق

أهلا بك في شلة المتسكعين ^_^

BookMark يقول...

ابتسامة

حمود خالج ؟؟

الله يعينج على الرسميات الي ممكن يفرضها ;)

~أم حرّوبي~ يقول...

بصراحة لا في استعداد ولاشي خخخ ولا خذنا بطاقة الجزيرة..مريحين راسنا
بس تدرين يوم تطالعين مباراة تندمجين فيها وتتفاعلين ..انا الفترة اللي صج تابعت فيها المباراة كانت ايام خليجي 19 على ماأظن واذكر اني صحت يوم فزنا خخخخ(ادري ماعندي سالفة بس تحمست)

بس بصراحة يدج فن الله يحفظه ويعطيه طولة العمر ^^

كوكتيل يقول...

صباح الخيرات :)

أنا ما أحب المباريات وما تستهويني :)
بس أستانس إن الشوارع تخف زحمتها :)

فالطلعة تصير أحلى :)

BookMark يقول...

أم حروبي

زين تسوون والله مريحين راسكم

صاجة اذا شفتي المباراة لازم تنفعلين عشان جذي مااحب اشوفها واتعب اعصابي :)

وأذكر بخليجي 19 كنا بالامارات لما فزتوا وسوينا معاكم مسيرة ;)

تسلمين حبيبتي ويحفظ أجداد الجميع ^_^

BookMark يقول...

كوكتيل

مساء الورد

هذا الحلو بالموضوع ان الزحمة تخف ^_^

واستغرب من الي تستهويهم المباريات أحس مستحيل أقدر أشوف مباراة كاملة على بعضها!
ان تعبت عمري أشوف إعادة الهدف بس p;

خاتون يقول...

أنا بصراحة مالي شغل بكل هاللوية بس أبي ايطاليا تفوز و مو شرط اتابع المبارة انايهمني الزبدة فازت و الا لأ

و أحنا بعد فاتحين دوانية العايلة 24 ساعة في 24 علشان المباريات يعني يبون يرحمونا من الإزعاج في البيوت يمعوهم بمكان واحد بس أهم شي لا يتهاوشووون خخخخخخ
المقولة فيها شي من الصحة و اثباته العنف الكروي و ملاعبنا اكبر دليل

و ديري بالج من الحب المصري ترى يمتن

يعطيج العافية و عساج على القوة
*_^

Engineer A يقول...

ما المتعة من متابعة كرة تتدحرج ويركض خلفها ....الخ


اتصدقين عاد؟ توقفت عن هالتساؤل من مدة طويلة جداً .. يمكن كونا احنا بنات ما نحب الكره ولا الرياضات الرجالية أخرى ما نشوف فيها متعة ولا وناسه بس عند الشباب غير! يستمتعون بمشاهدة لعب الكرة مثل ما يستمتعون بلعب الكوت بو سته والهند والسوالف بالقهوة او الديوانية!

ومثل ما اهي متعة عند البنات يشوفون عروض الأزياء والموضة ومسابقات ملكات الجمال وغيرها من هالأمور النسائية اهي متعة عن الرجال متابعة كرة القدم! :)

بس أنا أوافقج الرأي من ناحية ازعاج فهي ازعاج! :))

خلج مثلي شجعي اللي يفوز ومن غير ما تشوفين شي! :)

دمتي بخير

رنداالجنوبيه يقول...

ههههههههه تعالي عندنا البيت واسمعي وشوفي الازعاج على اصوله الله ياكافي مافي راحه متى بيخلص هالكاس .. الحين قاعده اتابع الجزائرلانها عربيه بشوف العرب ايش بيسون اليوم وبعدهابشرد لااي مكان هههههه حتى ولدي الصغير عمره سنه يوم يطالعهم وهم متحمسين ويصرخون اسمعي صراخه واصل لااخر الحاره ((الحي )) خخخخ

الله يعطيك العافيه حبيبتي .

سمو الأميرهـ ..ツ يقول...

مثلج تماما ما أعرف المتعه في مشاهدة الكره
على عكس ما كنت عليه وانا صغيره ...

وخاصةً المونديال ما أعرف ليش الكل مستعد له

أخوي عنده إمتحانات هالفتره ويقول لي : الامتحانات كل سنه أما المونديال كل 4 سنوات ... وحافظ جدول المونديال أكثر من إمتحاناته ><

قلت لامي لازم نسحب عنه البطاقة
بس المشكلة الكل إدمان ع المباريات
من الصغار للكبار

شورج نسوي حملة مكافحة المونديال ؟؟
(;

رورو الشخبوطه يقول...

اول ماشفت عنوان والصوره لموضوعج في لستت بلوقاتي قلت حتى بوك مارك..

علامهم البنات هالايام ..

خخخ بس طلعتي مثلي اي والله شالمتعه ويقعدون ع اعصابهم ع الاقل 90 دقيقه ولي خسر فريقه مدو البوز ونفسوا واي لا اجواء لاتحتمل..

وصاج يدج الله يحفظه يارب الوقت حده غلط :\

كله من انفلونز الخنازير اهي اللي اجلت الكورس خخخ ..

ومشكوره..

BookMark يقول...

خاتون

اشمعنى إيطاليا؟ p;

اي والله المهم الزبدة .. يعني تعرفين النتيجة وبس ليش حرقة الأعصاب 90 دقيقة!


وييه الله يعينكم على الإزعاج صج!
يريحون البيوت من الإزعاج وابلشوكم

اذا صارت هوشة ناديني أفاججهم D;

صج يمتن الحب المصري؟
خلاص باكل حبة وحدة باليوم ;)

حياج الله

BookMark يقول...

انجنير

كلامج منطقي
يمكن اهمه يشوفون شي احنا مانشوفه،
بس أحس ماأقدر استوعب شنو الممتع بالموضوع لوول

والبنات صاروا يتابعون أكثر من الشباب .. اهني وين نلقالها حل منطقي بالله؟ ;))

هههه على قولتج نشجع الي يفوز وبس
:)

BookMark يقول...

رندا الجنوبية

وييه الله يعين، مااوصيج حبتين بنادول كل يوم

هههه اسمالله عليه ولدج الله يحفظه، شتسوين بعد الواد طالع لأبوه D;

والله انج أصيلة تشجعين الجزائر .. غيرج ولا همهم العربان! ;)

حياج الله :)

BookMark يقول...

سمو الأميرة

على قولة أخوج .. الامتحانات كل سنة والكاس بس السنة !
صاج الولد ما قال شي غلط ;)

يالله نسويها حملة
بس منو درى عنا؟؟ D;

BookMark يقول...

رورو

لا لاتحاتين انا مو صوب هالسوالف كلش ;)

على قولتج الأجواء لا تحتمل!
بعرف شاالله حادهم يعورون قلوبهم 90 دقيقة؟

انا أكسّر حب وأشرب جاي وأريح راسي،
وانتي سوي أظافرج أريح وأونس هههه

يعني الحين نتحسب عالبطولة ولا على انفلونزا الخنازير؟
;)

الزين يقول...

انا بطلع اتسكع مع سلة ميوة

خوووش خطه

:)

BookMark يقول...

الزين

شدعوة مرّوني عاد ;)

rooowy يقول...

ناهيك عن رسائل البلاك بيري،
انا عن نفسي أشعر بملل فظيع حين أشاهد اي مباراة كرة قدم و لكن العالم موهوس بهذه المستديرة،
و نحن هنا نتذمر منها فعلا تلك مفارقة مضحكة،
موضوع خفيف و لطيف

خاتون يقول...

أمممم إيطاليا لأني أحبها على كثر ما الكل يحاول يكرهني فيها و أنا أتخذت قراري أني أحب إيطاليا

لا الحمد الله مو في بيتنا اليمعة في دوانية العايلة يعني مو عندنا خخخخ
خويتج ما تفجج كل ما أفاجج أنطق هههه


اكلي حب شمسي يحرق الدهون بالذات اللي بدون نكهة مفعولة أقوى على الدهون تلات مرات و بيدوم >>>دعاية خخخخ

ابو فارس يقول...

السلام عليكم
كل عام وانتي بالف خير ...
ويارب كاس العالم القادم تحققي كل اللي بتتمنيه يارب
انا ولا مطش شفتة للان العمل لايسمح لي
انا بحب لعب الكرة فقط مبحبش اتفرج عليها
ولاكن لازم اتفرج علي منتخب البرازيل
اما بنسبه لتشفير المبريات ربنا يخليلي صدقي ابو غيداء مفيش شفرة في العالم بتصعب عليه حخليه يفك شفرت مطش البزيل وكوريا لو عشنا
اما الحدث نفسه له ذكريات حلو معي
ويارب كاس العالم القادم تكوني انت وجميع المدونين بالف الف خير
تحياتي

المحامي يقول...

يقتلني كأس العالم ..

الفترة الماضية من كثر ما انا معزول عن الناس والجرائد والتلفاز وأكره المباريات .. كنت احسب ان الكاس هو كأس امم افريقيا نظرا لأن المكان بأفريقيا .. وكنت بالحلاق فسمعتهم يقولون ان الارجنتين فازت على نيجيريا .. فقلت الارجنتين من دول امريكا فكيف تلعب بكأس أفريقيا .. ولن تتصوري المشهد الفكاهي الذي حصل بالحلاق :)

سلمي على ابونا الي يظن ان كأس العالم سوه هالحزة عشان يضرون عيالنا :)

أم الخــلـود يقول...

الفاضي يعمل قاضي!!!

(حملة الجسد الواحد)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

صورة الشعار .. في مدونتي كركر .. ويكتبون فوقها ..

(حملة الجـسد الواحـد)

رابط المدونة

http://krkr111.blogspot.com

جعله الله في ميزان حسانتكم .. آمين

BookMark يقول...

rooowy

فعلا مفارقة مضحكة
والناس فيما يهوون مذاهب

شدة وتزول ان شاالله ;)

أشكر مرورج عزيزتي
:)

BookMark يقول...

خاتون

اها يعني المحبة من الله ;)

اشوة عبالي ابيتكم الدوانية، دام جذي كيفهم خليهم يتهاوشون المهم مايحوشكم شي D;

شكرا على النصيحة الصحية ;*

BookMark يقول...

أبو فارس
وعليكم السلام ورحمة الله

كل عام وانت بخير وصحة وسلامة
شكرا على الأمنيات الطيبة

لعب الكرة أمر معقول وأستطيع تقبله .. بعكس التفرج والانفعال دون كوننا جزءا من الحدث!

وليستغل أبو غيداء مهاراته ويكسب من وراء تفكيك الشفرات ;)

وكل كاس عالم وانت بخير وعافية وسعادة

BookMark يقول...

المحامي

أضحكتني أضحك الله سنك :)

حسنا تفعل .. متابعة شيء كهذا لا فائدة منه ولا شيء غير الأمراض

ويوصل السلام بطريقة أو أخرى :)

BookMark يقول...

أم الخلود

شكرا للتواجد

ويعطيكم العافية

Mai يقول...

!!بالضبط
أشوف الكره مملة جدا وأنا مالي فيها ولا بالأفرقة ولا اللاعبين, الحياة أريح جذي :)

BookMark يقول...

Mai

واايد أريح :))