الثلاثاء، 30 مارس 2010

حذاء سندريلا


قرأت تدوينة للمدونة رورو تصور فيها مشهدًا تعالج فيه قدمها، واصفة إياها بقدم سندريلا، ضحكت حينها .. وتذكرت قصة حدثت معي ووجدت أن أدونها ..


نهاية الأسبوع الماضي .. كنا في رحلة بحرية .. في ربوع الشاليهات .. وعلى ساحل البحر .. والجو عليل .. والسماء صافية .. والأمواج تتراقص تحت الشمس .. والرمال ذهبية متوهجة .. و .. و .. و
انقضى النهار وانقضت معه رحلتنا .. وفي طريق العودة تذكرت الحذاء الإضافي الذي أحضرته معي لزوم "الكشخة" داخل الشاليه، أما الآخر الذي كنت أنتعله فقد كان يصلح للساحل والأتربة فقط!
تذكرته .. وتيقنت أني نسيته هناك وحيدًا في ذلك الشاليه .. لم أكترث وقلت فرصة لأستبدله بآخر جديد .. فقد كان ذو كعب عالٍ لا يصلح إلا للمناسبات، وقد انتعلته أكثر من مرة ولا يمكن أن أرتديه في المناسبة القادمة وإلا نعتُّ بالـ : مكررة ثيابها !

في منتصف الطريق .. وبعد أن قطعنا مسافة طويلة يستحيل معها أن نعود أدراجنا في هذا الوقت المتأخر .. تذكرت أن إخوتي لا زالوا هناك .. فقلت أتصل بهم وأسألهم إن كانوا قد رأوا حذائي، وكأني شعرت بتأنيب الضمير للتخلي عنه بهذه الطريقة!
اتصلت بعمر .. وحين أجاب أدركت أنهم كانوا قد رحلوا أخيرا، فقلت : إذن لا شيء .. ولكنه أصر على معرفة سبب اتصالي،
أجبت: لا شيء .. فقط كنت قد نسيت شيئا ليس ذي أهمية ..
هو : لايكون الجوتي؟
أنا: اي شنو شفته؟
هو: "هذا الي جوتي سندريلا؟؟"
صمتُّ وقد شعرت بهجمة سخرية قادمة .. ابتلعت ريقي وأجبت: إي !!
لأصطدم بنوبة ضحكات ساخرة وعالية : اييي شفنااااه وقلنا جووتي منو هذا !! أكيد مو لنا وخلينااااه !!
أنا : هه هه ليش خليتوه؟؟ اي جان سألتونا !!
هو: هذا الجوتي الذهبي قصدج؟؟
أنا وبعد نفاد صبر : إييي
هو: إيي يبه خليناه! قلنا شنو هذا أكيد مو لناااا !!
ويستمر يضحك ..
وأنا أغلق الخط ..
صمت يخيم على السيارة
أمي : ماالخطب؟
أنا : أبدًا .. فقط نسيت حذائي وهم قد رحلوا الآن .. لا أحد سيحضره .. لا يهم.
أمي وهي تضحك : صار جوتي سندريلا هذا .. تنسينه ويدورون عليه
أبي: متى نسيتيه؟ الساعة 12؟ هاهاها
أنا بيني وبين نفسي: شفيهم امسكوها علي ! ماتسوى علي :( أصلا انا ماااأبيه


*تنويه : الحذاء كان فضيًا وليس ذهبيًا !!
ولكن عمر لا يميز الألوان !

32 التعليقات:

ebtsamh يقول...

فداج سندريلاتنا ..

والعتب ع نظر عمر ..

خوش قصه :)

Seldompen يقول...

=)

أولا " إشتقــــت أن أكون هنـا ..

وإشتقت أن أقرأ كلماتك التي لا أستطيع إلا أن أبتسم حين قرائتها .. !

.
.

هههه بصرآحة حلوه المسكه اللي أمسكوها عليك ..

سندريلآ .. !

من قصص الخيآل التي حينما كنت صغيرة

تمنيت أن اكون مثلـها .. وتتحول اليقطينة عربة .. !

يـلآ ما تدرين مين اللي رآح يجيب لك حذآئك الفضي .. !

إذا رجع لك ,, فأنتِ سندريلا حقاً

=)


أرق التحـايا ..

BookMark يقول...

ابتسامة

صح العتب على نظره


وسندريلا ماتصير بس بالقصص ;)

شكرا عزيزتي لحضورج وتعليقج :)

BookMark يقول...

pen seldom

ياهلا وين الغيبة !

..

هههه المسكة اقهرتني

وسندريلا .. حكاية جميلة عشقناها كلنا .. وتمنينا كما تمنيتِ !

تعتقدين أنه سيأتي ممسكًا الحذاء باحثًا عن صاحبته؟ ;)

من يدري؟؟ D: جميلة هي الأحلام

..

اشتقنا حضورك عزيزتي :)

رورو الشخبوطه يقول...

خخخ بصير ملهمتكم بالبوستات :)

والله مسماري له فايده :p

خخ ماسوت عليج لو انا يضغطني جان قلبتها عليه خخ..

بس كعب للشاليه !!<< دوري استلمج..

ومرسي ..

BookMark يقول...

رورو

شفتي شلون ألهمتينا
المرة الياية لازم ندفعلج قيمة الإلهام ;)

هههه انا ماخلصت من ضغاط اخوي هالمرة انتي تستلميني،

مادري شطاري علي عبالي رايحة حفلة .. بس داخل الشاليه لبسته ماطلعت فيه برة P;
أول وآخر مرة أسويها
:)

لولا الأمل يقول...

هههههههه

والله الشباب ما وراهم غير الشماته .. يعني خلو الجوتي وقعدو يتطنزون عليه :P

الله يعينكم يالبنات .. اذا لبستو الشي جم مره ما تلبسونه مره ثانيه !


بالنسبة للاوان
انا بعد ما اركز بالالوان بقدر الشكل .. يعني اذا شفت شي اقدر اوصف شكله بسهوله بس اخربط بلونه .. وايد الوان ما اعرف اساميها :P

مثال .. اي شي افتح من اللون الاحمر اسميه وردي .. خواتي يقولون فوشي شنو فوشي مادري المهم انه وردي بالنسبة لي !!


قواج الله اختي : )

@alhaidar يقول...

ما تسواج عليج يا سندريلا :P

سلة ميوّة يقول...

تدوينة خفيفة عالقلب

تبعث للإبتسام...


اعتز..بأحذيتي...:)

سندريلا

كنتي هنا بخفّة الفراولة

ولذتها
كوني بخير
حبي

نبضُ الأدب يقول...

لوووول .. و رااااح جوتي سندريلا p;


مساء الخير ^^

روان يقول...

سندريلا أنتِ وردة ،
وردةٌ بيضاء !

الله ذكرتيني ،
=)

صمت البوح يقول...

الا جوتي ..

تتهنين فغيره

ههههههه عاد ما بينسونها دوم بيزخونها عليج
وين نسيتي جوتي سندريلا ^_*



مبروووك على الاستايل اليديد
بس والله اشتقت ارد على مواضيعج
بس ماا عرفت ..مالقيت ارسال تعليق

ويسلمووو

sen يقول...

على شاطئ البحر نلعب ونلهو
ولا حاجة للشايكة ومالها يدعو
ولكن مشيئة الله لا مانرجوا
فيقال يومه وقدر الله فنرضا على ما يبدو
قدر الله أن ينتهي زمن الحذاء ويجلو
:)
تقبلي مروري سين

BookMark يقول...

لولا الأمل

- شفت شلون! ماوراهم غير الشماتة (كلهم) ;)

- البنات كل أمورهم عبااااالة !
ياحظكم انتوا سهالات

-والألوان .. يعني صج! مو حافظ الألوان بس تشوفهم عدل صح؟
جذي يقولون لي اخوج فيه عمى ألوان.. انا مااحس انه عمى ألوان كثر ما انه موحافظ الألوان وأساميها D:

ههههه وانت مصمم انه وردي

ماتهمكم التفاصيل كثرنا .. فوشي ولا سكري .. المهم من درجات الوردي

حياك الله :)

BookMark يقول...

أحمد الحيدر

والله ماتسوى علي

ترى أصدق واروح أصير سندريلا الحين ;)

BookMark يقول...

سلة ميوة

أحب رؤيتك تبتسمين :)

عسى دووم
.
.
وجميلٌ اعتزازك بأشيائك ;)

.
.

شكرًا لحسك المتذوق للفاكهة


وكنتِ هنا بكل مذاق جميل

;*

BookMark يقول...

نبض الأدب

رااح
راح


مساء الأنوار :)

BookMark يقول...

Dreama

أيااام مو :)


أهلا بأول زيارة

:)

BookMark يقول...

صمت البوح

مردي أنساه وأشوف غيره ;)

واهما ماراح ينسونها لي هههه

..

الله يبارك فيج تسلمين

كنت مسكرة التعليقات فترة ورديت فتحتها

حياج الله عزيزتي
:)

BookMark يقول...

Sen

شكرًا للارتجال الجميل

صح لسانج :)


والشياكة مش ولابد في هذه الأماكن

أهلا بأول زيارة :)

Seema* يقول...

صار وقت أن تستبدل سندريلا أميرها بآخر! :p
جديد ومميز جداً بالمناسبات! ; )

Slashy يقول...

لووووووول ضحكتني القصة وصج صار جوتي سندريلا حده

انزين اللي بالقصة كان شفاف, صح؟ لووول حدي خداي بس قاعده اتذكر

BookMark يقول...

Seema

yup! Time to change

;)

BookMark يقول...

5/4

اي اللي بالقصة كان شفاف D:

زجاج مادري كريستال ههههه شلون تمشي فيه مادري

:)

سمو الأميرهـ ..ツ يقول...

هههههههه
ضحكني البووست ..

مره ولد عمتي أصغر عني ب5 سنين ..
جاف نعالي الكعب جان يقول لي : انتي شقايل تلبسين هذا ..؟؟؟؟

جنه شي غريب بالنسبة لهم ..
لووول
:d
---------

تسلميين ع البووست

تحيااتي

mese يقول...

هههههههههههههه
ضحكت من قلبي صدق وضحكت إلي عندي بعد..

شكلهم من الخاطر انبسطوا ع سالفة الجوتي..أهلج وإخوانج..

ومبروك الجوتي اليديد مقدمًا =)
صح ومبروك اللوك اليديد<< واايد متأخرة..

ودي وإحترآمي..~

BookMark يقول...

سمو الأميرة

ههههه وضحكتيني على سالفة ولد عمتج،

اي والله ليش جنه شي غريب بالنسبة لهم !!

شنو أول مرة يشوفون كعب !!
ولا يستعبطون !!
ولا مو لايق علينا نلبس كعب؟؟ P;

BookMark يقول...

mese

عسى دووووم الضحكة انتي والي عندج كلهم ;)))

ههههه اي حلت لهم السالفة أهلي،

والله يبارك فيج تسلمين :)

محبتي

الغاردينيا يقول...

هههههههههه

ضحكتيني والله

عارفه يا اختي انا عن نفسي بحب اشيائي القديمة مووووت ^_^ ,, وحتىلو قالوا عنها الناس انتهت قيمتها اظل محتفظة بيها ,, لكي اعذب تحية

BookMark يقول...

الغاردينيا

الأشياء القديمة لها معزة خاصة .. وصعب نتخلى عنها :)

عسى دووم الضحكة :)))

~nouf يقول...

دائما لك روقٌ خاص


.

هههه سندريلا اجل
روعه القصه

ابدعتي

BookMark يقول...

أهلاً نوف ^_^

اشتقت تواجدك .. واشتقت مدونتك أيضا .. اعذرينا على الانقطاع

هههه شفتي شلون ;)

شكرا لج :)