سأحاول الكتابة بالعامية .. ربما هذه المرة فقط :)
سكة سفر .. شفتها من بعيد
تعلن وداع .. تعلن نهاية .. تعلن رحيل(ن) جديد
شفت المطر ؟؟ على رقته شلون يكسر حديد ؟؟
هذا شعوري .. كل الألم .. كل الحزن .. يكسر كل شي عنيد
لا تعتذر .. غيابك مايكفيه ألف عذر .. وعذر
دامها رغبتك .. وعنادك هالكثر
وش خليت للقدر ؟؟ كل شي يفرضه .. تقوم تكسره
وتنفذ هواك .. ورغبتك ..
ولا تعتذر..!
بال(ن) شغلته بقسوتك .. وش ترتجي من بال(ن) سهيد
والهم والسهر .. ماهمك همي الشديد ؟
ولا ماعاد يعنيلك ؟؟ قلب(ن) وفا لك .. طول العمر ..؟؟
أبختصر .. واقولها بوجه(ن) سعيد
روح بسلام .. دامها رغبتك .. ماأمنعك
ولا تحسب إنك فقيد
روح بسلام ...... واستعر ..!!
سكة سفر .. شفتها من بعيد
تعلن وداع .. تعلن نهاية .. تعلن رحيل(ن) جديد
12 التعليقات:
هي محاولة ...
قد تبدو مضحكة .. فقط تقبلوها :)
صح لسانج :)
حلوووة المحاولة ^^
محاولة موفقة ؛)
إطلالة متميزة بالجديد الفريد =)
دُمتِ ؛**
Princess/
صح بدنج :)
مرورج الأحلى
****
نبض الأدب/
المتميز حضورج :)
شكرا شكرا
بس مااتهقين الفصحى أحلى علي؟ P;
الفصحى ؟!
وهل يبيله سؤال ؟!
أكيد أحلى .. لايقة عليج أكثر ؛) >> بنت العربي خو p؛
بس هم التغيير حلو .. و غليلج ما يشفيه نوع واحد من الألوان pP؛ حلو التنويع =>
موفقة ؛**
تعرفين, لا يهم كيف نكتب!
لستِ مضطرة بأن تلتزمي بقاعدة أو نغم, بإمكانكِ دوماً ابتكار طريقتكِ الخاصة. المهم هو أن تعبري عن مكنوناتك, أن تعجين مجالاً لعقلكِ للكتابة دون خوف أو خجل. و النجاح بأن يحس أحدهم باحساسكِ ذاته.
الهدف أهم من الوسيلة, أليس كذلك؟
\
أعجبني ما كتبتِ! : )
نبض الأدب/
"بنت العربي" P;
صح حلو التنويع .. والتغيير ;)
شكرا مرة أخرى
****
Seema/
لا أجد ردا على تعليقك سوى
"شكرا" من الأعماق..
دمتِ بخير
والله خوش كلام عجبني **
يعطيج العافية اختي
أحلى محاولة ولا تنسين نبيج تكررينها
لا تبخلين علينا =p
دمتي بود
كل عام وانتم بخير :)
Faith/
الحلو مرورج عزيزتي
شكرا أخجلتي تواضعي :$ :$
ما من بخل ان شالله ;)
حياج الله
***
أقصوصة/
وانتي بخير وصحة وسلامة :)
وتقبل الله صالح أعمالكم
صح لسانج.. بصراحه أعجبتي واايد
بس ليش شكلج مترددة فيها..خليج واثقه من نفسج..وبعدين ترى الكتابه بكل أنواعها تعبير وترفيه عن النفس..
ربي يعطيج العافيه..ودووم هالإبداع يارب..
حيا الله mese :)))
اشتقنااالج
وسعيدة انها أعجبتج :)
مادري أحيانا أخشى ردود الأفعال ^^
الله يعافيج ويسلمج ..
ولو اني اجهل سبب ابتعادج عن التدوين .. بس أتمنى رجعتج بأسرع وقت
إرسال تعليق