الاثنين، 9 أغسطس 2010

نفحات من أغسطس


أستيقظ قبل المنبه بلحظات
وأشعر بعدم رغبة بالتحرك
بالرغم من أن أجفاني قد امتلأت شبعًا
نفسي مثقلة
وكأن الإعياء أنهكها
أحدق بالسقف مرارًا ،، وتباعًا
وأمرر الخيارات كلها ككل يوم :
تأخير ،، استئذان ،، مرضي ،، عرضي ،، ماذا بعد؟؟
أتعوذ من الكسل
وأجبر نفسي في النهاية على النهوض ،، ككل يوم أيضًا
***

حوار الصبح المعتاد
افتتاح يومنا قبل الانطلاق
-وين اليوم؟
-ستار بكس الدعية؟
-ملينا !
-كاريبو برج بيتك؟
-أوكي تغيير
لولا هذه اللحظات الصباحية القليلة معها لكان اليوم طويلاً ... طويلاً
***

تنصهر كل الأوقات
واللحظات كلها تحترق
الأماكن أيضًا قيد الاشتعال
والمرافئ قد تفور
خذَلَنا الشتاء هذا العام
وجاءنا الصيف محملا بالسموم
أحيانا أتمنى لو كنت حجرًا
يلتحم بالأرض ولا يشعر بالحر
أو نبتة عرفج
مضادة للأجواء القاسية
أو حتى بطن جمل!
يتحمل ويخزن ويعطي عند الحاجة ...
أشعر بالشمس المتقدة
ذلك الفرن الكبير
حين أتشكى من تهيج البشرة وتأثر الأدمة ،، متعللة بالجو
أُقابل بالسخرية: وكأنك من سويسرا مثلا؟
اللهم أجرنا من لظى وحرها
***

رمضان على الأبواب
أتذكر حين كنا نصوم في الشتاء في السنوات السالفة
كنت أشعر بأن رمضان يعني الشتاء ،، وحساء ساخن ،، وليالٍ عشر باردة
كم سنة سننتظر لتعود تلك الأيام؟

كل رمضان وأنتم بخير ،، والله يتقبل منا ومنكم :)

50 التعليقات:

سمو الأميرهـ ..ツ يقول...

كل عاام وانتي بخيير عزيزتي
وربي يعود عليج رمضان أعوام مديدة
ويعينج ع طاعته و ذكره

:)
فعلا رمضان هالسنه فالصيف والله يعين المسلمين ع الصيام والقيام

:)
انا مولودة فرمضان
وكان قبل 18 سنة في شهر 3
يبيلنا نتريا سنين ..عسب يكون وقت رمضان في الشتا



دمتِ بووود

مـي يقول...

إيييييي..

أنا جذي... ما اشتهي أطلع من الحر..

والحمد لله ماعندي دوام بالصيف..

***

كاريبو بيتك ..

;)

أحلى مكان.. عجيب صح؟

***

أما رمضان..

فأنا أتذكره كان حر ;)

حر وقيظ بعد !

Engineer A يقول...

كل عام وانتي بخير وينعاد عليج وعلى غالينج بالحب والخير يارب

:)

خاتون يقول...

السلام عليكم
الله يا حلات رمضان و يا حلات أيامه لمن يهل راح يخف عنج التعب لأنه رمضان جوه غير لمت الاهل عالسحور و الفطور و أحيانا الغبقة غير الإيمانيات المرتفعة و سوالف اليهال بكل رمضان تضحك بالذات وقت الهوشات "اللهم أني صائم"وطق باللي جباله
ما في أحلى من جذي ههههههه
و هالحر بأجره ان شاء الله

و رمضان عليج و علينا يتبارك ^_^

رورو الشخبوطه يقول...

وناسه الله يبلغنا رمضان يارب..

واول موقف حسبالي بس انا اعاني منه اتوقع من الروتين الممل..

وانا مثل حالتج يا تريق بكاريبو او ستار بكس حفظتهم :\

يالله شهر بنغير :)

ومشكوره..

ebtsamh يقول...

ومبارك عليج الشهر وينعاد عليج

بالأيام البارده المنعشة وتعيشين شتاء

رمضاني مره أخرى :)

mese يقول...

صباح الورد
..

مبارك عليج الشهر, والله يعودة عليج بالخير ويعينج على طاعتة..ويعينا ويعن أخوانا المسلمين بكل مكان إلي مالهم مكان يحتمون فيه من الحر :(
..

الروتين شيء عادي, هو بعد من الأشياء العادية إلي لازم نتعود عليها :|

على الأقل عشان نحس بالإجازة ونفرح لها ونخطط كيف نقضيها,إجازة دووم مايكون لها معنى, ولا شو رايج؟ :)

أسعد الله أيامج
لكِ ودي وإحترآمي عزيزتي :)

November24 يقول...

دايما تحوشني هالحاله لكني أشوف الكوارث الطبيعية اللي تصير في أوروبا وأماكن باردة من العالم وأقول ألف الحمدلله شي أحسن من شي والله يعين اللي يدامون وكله باجره.

مبارك عليج الشهر وكل عام وانتي والأهل بخير :)

Seema* يقول...

حوار النفس المسكينة اللي يكون الصبح وايد يصير.. يعني اهي مرة ماراح يضر, بعدها بيوم.. مو مشكلة مرتين بالشهر.. ثلاث, أربع؟ أنا ليش أشتغل..أقدم استقالتي أحسن!

الجو, اسمع الناس تشتكي منه لكن ما فرق معاي لأني من جم شهر بطلت أطلع قبل العصر.. من يومين لما كنت طالعة وشغلت السيارة: "حر حر حر ما أقدر أتحمل" وضحكت يمكن نسيت شعور الحر هالصيف بس ما جني بالسنين اللي طافت كلها كنت أعرفه :p

وانتي بخير ;*

نبضُ الأدب يقول...

امممممم .. مو زين الواحد يعيش بهالدوامة طول عمره .. هذي وظيفتج بتستمرين فيها لين التقاعد إذا الله كتب .. مو معقولة كل يوم بتعيدين نفس الموال >< مُتعب !

يمكن الحل إنج تعطين نفسج إيحاءات إيجابية >> الدوام إينن ومافي أحلى منه وآنا حدي مستاااانسة لأني بداوم وبوصل أول وحدة ;q

يدّدي الهمة .. وعيشي يومج بنشاااط ;)
>> Like the BEE ;p

رمضان كريم ^^

Sami يقول...

ستاربكس الدعيه ..خالي ..تقريبا يصفر ..علشان جذي استانس منه :)

~أم حرّوبي~ يقول...

كل عام وانتي بخير ^^
الله يعين رمضان فعز الصيف ان شالله ما راح نحس بالحر ..
بس تعبيراتج ضحكتني خخخ
حتى بطن جمل!يتحمل ويخزن ويعطي عند الحاجة
عجيبه هالعبارة

تحيتي~

ابو فارس يقول...

كل عام وانتي بخير
الله يعين كل المسلمين
تحياتي

كوكتيل يقول...

كل عام وأنت بألف خير يارب :)

أعاده الله علينا مرات عديدية وكرات مديدةاللهم أمين :)

ووالله يعينا على الصيام :)

الحياة الطيبة يقول...

تصدقين BooK MarK إن رمضان سيذهب عنك الملل ويجدد لك أيامك ولا تحاتين الحر لأن لطف الله بيخليك ما تحسين بالحر إللي تتصورينه .....رمضان غير عن كل شهور السنه ,فيه ميزه خاصة ما يعلم فيها إلا الله ,وإنشاء الله الله يبلغك رمضان شتوي عجيب .....ومبارك عليكم الشهر .

..pen seldom يقول...

مساء الخير ..

أهلا بالعزيزة جداً :)

والتي أنجذب لكل شيء تكتبه !

أحرفك بها شيء من " السحر "

ولا أجامل , إذ أنني لست من الذين

يبدعون في المجاملات , أو يفتعلونها

لتكوين الصداقات وغيرها ..

فأنا إن صح القول " عدوة المجاملات "

التي لا أرى لها سبباً !

..

وربي يعين الجميـع إن شاء الله

على حرارة ورطوبة الأجواء والصيام ..

على أجر إن شاء الله ..

ورمضان كريم ^^

أشتقت أن أكون هاهنا ..

كوني بخير دائماً ..

BookMark يقول...

سمو الأميرة

وانتي بخير وصحة وسلامة
وينعاد علينا وعليج يارب


يعني يبيلنا واايد لين يرد الشتا لرمضان :/
الله يسهل

BookMark يقول...

مي

الحر والطلعة بالواهي
متعبة ولا مفر منها
يابختج ;)

وكاريبو بيتك
اف حده عجيب!
شكلي حبيته ;)


عيل بتسترجعين أيام رمضان بالحر
أكيد كان لها طعم خاص وذكريات :))

BookMark يقول...

Engineer

وانتي بخير وصحة وعافية
وينعاد علينا وعليج يارب ;*

BookMark يقول...

خاتون
وعليكم السلام .. ياهلا

صح رمضان أكيد غير على حره على برده كل شي فيه حلو

وعلى قولتج لمة الأهل والإيمانيات المرتفعة وكل شي فيه كافي انه يغير النفسية ويرفع المعنويات

أما سوالف اليهال ف شي ثاني
على انه ماعندنا يهال بالبيت بس بالزوارات والغبقات نشوف فصلاتهم ;)


ويتبارك علينا وعليج يارب ;*

BookMark يقول...

رورو

آمين الله يبلغنا وجميع المسلمين


الروتين سبب كل هاللوية الي عندنا،
انا من أفتح عيني واتذكر الروتين الي ينطرني أستعرض الاسطوانة هذي كلها

وكاريبو وستاربكس على قولتج حفظناهم
ماكو شي يديد بالطريج؟ ;)

صح بنغير لمدة شهر ههههه

حياج الله

BookMark يقول...

ابتسامة

ينعاد علينا وعليج يارب .. شتوي وبارد ومنعش ;))

BookMark يقول...

mese

يا مساء الفل ^^

ينعاد علينا وعليج يارب بالخير والبركة

والحر كان شي متوقع انه يدخل علينا برمضان،، يالله كلها جم سنة ويرجع البرد بإذن الله ;)

والروتين مثل ماقلتي .. عالاقل نحس بطعم الإجازة :)

يسعد أيامج ولياليج :))

BookMark يقول...

24 نوفمبر

اي والله انا كلما شفت هالزلازل والبراكين أقول الحمدلله
أحسن بوايد ،، عالاقل حر عارفينله ومتعودين عليه..
بس طبيعة النفس "المتحلطمة" لازم تذمر وتشكي ;)

وانتي بخير وعافية حبيبتي :)

BookMark يقول...

سيما

وآه من هالحوار!
شدعوة مافكرت فيها؟؟
قلت انا ليش أشتغل !! خل استقيل أحسن ليش معورة راسي بشي محد طقني على ايدي عشانه ;)
بس هم راح أقعد بالبيت واتحلطم عبالج بسكت؟ p;

ههههه اي والله ما جنه متعودين على هالقيظ منذو مبطي ;/

BookMark يقول...

نبض الأدب

ومنو قالج اني بتم على وظيفة وحدة طول عمري؟
لا حبيبتي ناوية كل سنتين بمكان بس انتي نطري علي P;

اقولج اليوم وحدة تعرفينها قالتلي انها بتغير دوامها .. بعد شهور من المعاناة والكفاح عشان تطلع من دوامها القديم وتحصل مكان بالوظيفة الي اهي فيها الحين!
يعني راحت وردت وهم ما عجبها لا هذا ولا هذاك

وبعدين ترى انا مستانسة بمكاني الحمدلله

بس تعرفين الدعالة وماتسوي
تشكي وتحلطم .. راحة يختج ;))

والـ Bee عند ويهج ;)

وربنا أكرم ^^

BookMark يقول...

سامي

وهذا الحلو الي فيه .. انه يصفر :)

BookMark يقول...

أم حروبي

وانتي بخير وصحة وعافية يارب

لا ان شالله ماراح نحس بالحر .. التكييف كل مكان الحمدلله بس مسافة السيارة لي الباب

والجمل يا من حظه أحسه مايدري عن هوا داره ومستانس بالخزان الي عنده هههه

حياج الله :)

BookMark يقول...

ابو فارس

وانت بخير وعافية
ويعين الجميع يارب :)

BookMark يقول...

كوكتيل

هلا هلا بالمبتسمة على طول
يعلها تدوم عليج قولي آمين :)


وكل عام وانتي بخير وصحة وطاعة
وآميـن ينعاد على جميع المسلمين

حياج الله :))

BookMark يقول...

الحياة الطيبة

انا بعد وايد متفاءلة برمضان
راح يكون نقطة للتجديد والانطلاق بإذن الله،
والحر مو خايفة منه بس خايفة عليه من تحلطمي الزايد ;)

الله يبلغنا وإياكم رمضانات قادمة عديدة وباردة يارب

وحياج الله :)

BookMark يقول...

pen seldom

مساء الأنوار
وأهلا بالغالية جدًا
الحاضرة الغايبة ;)

ولهنا عليج والله
وعلى طلتج الحلوة


حبيبتي والله أشكر صدق مشاعرج
وكلامج الطيب
وهذا من ذوقج يالغلا


ربي يعين الجميع
ويسهل على كل المسلمين
ويتقبل يارب

وكوني بخير وعافية ;*

Sen يقول...

السلام عليكم

اختي بوك مارك ودي اكون متابعه للمدونه لكن لا اعلم كيف ؟؟

بحيث تصلني مواضيعك الجديده !!
لأني انسى اسير عليك وما اقدر اشوف مواضيعك دايما :s
ضيفي ايقونة الاشتراك او المتابعه ؛)

BookMark يقول...

Sen
وعليكم السلام والرحمة

حاظرين للطيبين ;)

Tazmania يقول...

كلماتج دائما جميله مشالله ومبارك عليج الشهر كل عام وانتي بخير وصحه وسلامه وعساج من عواده

BookMark يقول...

Tazmania

شكرا من ذوقك والله
وعساك من العايدين الفايزين

رنداالجنوبيه يقول...

السلام عليكم ورحمة الله وبركاته

اللهم آمين .. وانتي بخير وعافيه وسعادهـ

الله يتقبل صيامك وقيامك .. ومبارك عليك الشهر.

BookMark يقول...

رندا الجنوبية
وعليكم السلام ورحمة الله وبركاته

يتقبل منا ومنكم صالح الأعمال يارب
:)

لولا الأمل يقول...

الله !!

ذكرتيني برمضان قبل .. كنا ننطر نتفطر عشان نطلع بره بالقواري .. الجو كان باااااارد .. والصوم احلى منه مافي

الله المستعان


ما يصير في صراع مع المنبه والتفكير في الغياب الا ان الدوام ممل او روتيني !

الله يعينج ويوفقج


مبارك عليج الشهر

bu-saad يقول...

تقبل الله :)

عين بغزي يقول...

مبارك عليكم الشهر

وعساكم من عواده

طموحه يقول...

السلام عليكم

مبارك عليج الشهر
هذا ثاني يوم في رمضان و ما حسينه بحره و الحمد لله له جو حلو و لو كانت درجه الحراره فوق 40

من جم يوم اقول لامي الدنيا ابردت و لا انا جلدي تاقلم مع حرارة الصيف تقول لا تاقلمتي يمه
الحمد لله اني تكيفت مع هالجو

بس الصراحه الدوام في رمضان شاق بس كله باجره ان شاء الله

موفقه ان شاء الله

اجتماعي يقول...

ما شاء الله عليج ..
البوست يخلص من غير ما نحس ..

تتحلطمين بايجابية : d

أبشرج ..
راح يصير رمضان بشهر 2 ..

بس بعد 24 او 25 سنة ..

أعتقد جذي ..

BookMark يقول...

لولا الأمل

الله على أيام القواري بعد الفطور

تتوقع اذا الحين طلعنا نلعب بالقواري شيصير فينا؟ :/


علينا وعليك يارب :)

BookMark يقول...

بو سعد

منا ومنكم صالح الأعمال :)

BookMark يقول...

عين بغزى

ينعاد عليكم بالخير والبركة يارب

BookMark يقول...

طموحة
وعليكم السلام ياهلا

مبارك علينا وعليج

اي الحمدلله ماحسينا بالحر
على قولة الوالدة تأقلمنا خلاص ;)


على الدوام برمضان
تصدقين طلع وايد خفيف وحلو
أخف من الأيام العادية
نداوم متأخر ونمشي امبجر
والوقت يمر بسرعة :)

حياج الله ^^

BookMark يقول...

اجتماعي

لا خوش بشااارة :/

والتحلطم اذا فيه منه إيجابي وايد زين :)

مشكور وحياك الله :)

5/4 يقول...

مبارك عليج الشهر وكل عام وإنتي بخير =*

BookMark يقول...

5/4

وانتي بخير وعافية :)