الأربعاء، 3 فبراير 2010

اهمه كبار؟ ولا احنا اليهال؟


كانت حفلة صباحية مشرقة
رغم الجو الغائم خارج النوافذ ..
كنا هناك
نحتسي الشاي
ونتجاذب أطراف حديثٍ لا ندري كيف بدأ .. ولا كيف سينتهي

كنا مجموعة من أعمار مختلفة .. ومختلطة
العشرينيات .. والثلاثينيات .. والمقبلات على سن الأربعين

هن يحكين عن واقعهن الثلاثيني
كيف بدأ
وكيف تخطينه
وكيف يتعايشن معه

بعضهن اجتزنه بسلاسة ودون متاعب
وأخريات شكل لهن الأمر حساسية مفرطة .. وواقعًا صعبًا
وأزمة لا يدرين كيف ستمر ومتى ستنتهي

تتحدث إحداهن .. باندفاع .. ومرح :
"اشحلات عمرنا .. الثلاثينات .. أحلى عمر .. عمر النضج .."

وتشير أخرى نحو الخط العشريني المشكل من قبلنا :
" وي منو مواليد 85 و 86 و 87 ؟؟!! شخباري من وين طالعين !! "

وتتعالى الضحكات
"الحين الثمانينات صاروا شخباري ها؟؟! "


"إي حده شخباري"
وتعتلي قبعة مخروطية مضحكة الشكل ..
وتغني بفرح : "هابي بيرثدي تو يو "
ممسكة بصافرة مزعجة .. تنخر بالهواء عبرها ليندفع الشريط الملتوي ..
بمرح افتقدناه كثيرًا ..

يغني الجميع بفرح .. لتنفخ الثلاثينية المحتفى بها في وجه الشمعة الوحيدة ..
تنطفئ الأخيرة .. ويعلو التصفيق .. ويُقطـّع الكعك ..
يُوزع على الجميع .. البعض يأكل .. والبعض يفضل إبقاءه كما هو .. حفاظًا على مشاعر الميزان

استمر النقاش واتسع .. كلٌ له رأيه ..


الثلاثينية تتعلل بالنضج والحكمة والخبرة
وحسن تدبير الأمور

والعشرينية تشير إلى النشاط والحيوية والقدرة الإنتاجية
والمستقبل الذي مازال مفتوحًا أمامها على مصراعيه


إلى أن قالت إحداهن كلمتها :

"يبه تدرون شنو .. مو احنا الكبار .. انتوا اليهالوو ...! "

لتأيدها قريناتها
ونصمت نحن
......
:S
؟؟

46 التعليقات:

princess adadi يقول...

هم كبار .. وانتم صغار
هذا هو الجواب :)

لكل عمر حلاوته الخاصة ^^

Slashy يقول...

أهما اليهالو وأحنا الكبار :@@@@

mese يقول...

أولاً..الله يبارك بعمر صديقتج إن شاء الله وتكون كل أيامها حلووه يآرب..

ثانياً..كما يقال دائماً "لكل عمر حلاوته"..
وعلينا أن نستمتع بكل مرحله من حياتنا..ولا نستعجل..
ولا نفكر بأننا سنبقى بالعمر الذي نريد..
فشأنا أم أبينا سنكبر سنكبر ؛)

ودي وإحترامي عزيزتي..~

لولا الأمل يقول...

اللي اعرفه ان البنت ما تحب تقول عمرها خصوصا اذا تخطت العشرين

هذول مستانسين شفييهم ؟ :P


بالنهاية

الياهل اللي يشوف نفسه كبييير !!

والكبير .. اللي يقدر حجم الياهل وما يرد عليه !

وبكلا الحالتين ...لا اعترف بالعمر الزمني.. اهتم بالعمر الفكري اكثر :)

رورو الشخبوطه يقول...

السلام..

وي طلعت من اخر لستت الصغار خخخ..

وناسه..

ياحلات ال87 سنة المبدعين :)

ويهال شي حلو دليل البراءه ..

مشكوره..

Engineer A يقول...

ويي يا حسرتي .. باجي لي هالكثر "..." واصير 30 :/

الحمدلله للحين انا يهالوه

p:

Sami يقول...

الواحد بس يطق الخمس و العشرين ..تذوب الفوارق العمريه بينه و بين الخمس و الثلاثين و حتى الاربعين ...مو هني الحجي ..هاجس العمر بالنسبه لي دائما يتعلق بشنو انجزت و شنو ما انجزت .
علشان جذي عيد الميلاد بالنسبه لي مناسبه كئيبه .

غير معرف يقول...

الكبر كبر الراس وأنا خيّتج

والا اذا على العمر

ياما ناس الرقم طاف ال أربعتين:)


وليلحين المخ مخ فستق:)



الفستق عنده مخ؟؟؟



صباحج نور يانور المدونات


:*

المحامي يقول...

خذوكم بالصيحة وطلعوكم يهال .. والله حاله :)

نبضُ الأدب يقول...

لووووول ..

طبعًا العبرة بالمخ مو بالعمر pP;

و هم يظل عمر الشباب اهو الأحلى ;)

نشاط أكثر .. حيوية أكثر .. إنتاجية أكثر =)

و عمري عجيب ;) أحبه pP;

قواج الله بوك مارك =>

صديقة الشوق يقول...

والله بنت الثلاثين وعاملة حفلة .. شيء جميل

اهم شيء جمعتكم من جميع الاعمار .. وجودكم معهم خلاني اتخيل منظركم .. كأنهم الكبار وانتم عرايس الحفلة

العمر المديد والعيش الرغيد السعيد للجميع

تحياتي

إيلاف يقول...

ههه اذا انا ما زلت يهالو !

حقيقة مرة , ولكن لابد من الاعتراف بها ;)

BookMark يقول...

princess adadi/
حياالله أميرتنا ^_^

صح لكل عمر حلاوته !

لنستمتع إذن ;)

BookMark يقول...

حيا الله Five/Four
^_^

ههههه خلاص لاتعصبين اهما اليهالوو

;)

BookMark يقول...

يا هلا mese ^^

الله يبارك بعمرج وعمرها ..

صح لكل عمر حلاوته :)
هذا الي لازم يصير .. نستمتع ونعيش اللحظة

<< كله تحاتي تعيز
^_^!

ودي ومحبتي
:)

BookMark يقول...

لولا الأمل/
هلا ومرحب ^^

صح المرة ماتحب تقول عمرها ..
بس الي عندنا
الله وكيلك محتفلين وجنه العيد D:

هذاك أول لما كانت الوحدة توصل الثلاثين ماتشيل ملفعها عن راسها وتهمل نفسها لين تعيز قبل وقتها ..

بس الحين ...!
بنت الخمسين جنها توها بالتعش ^^!

اهوا حلو ومو حلو ..
حلو تكون شابة وماتكبر بسرعة..

بس الي مو حلو يتجاوز تشببها الحد !

:)

BookMark يقول...

حياالله رورو ^_^
وعليكم السلام ..

هههه اي شفتي طلعتي من اللستة

إي والله على قولتج سنة المبدعين ;) احم احم

حياج الله
:)

صمت البوح يقول...

احم احم
على اني مواليد 88 بس احس اني كبيره لووول

وطلعت يهالوه افااا

بس يالله هم الكبار ونحن الصغار ^^

احلى الاجابه ^^

تسلمين عالموضوع الغاوي خيتو

BookMark يقول...

Engineer A
هلا بإنجنيرتنا ^^

هههه أشوة ليلحينج يهالو D;

والله الحلات حلات الروح ياخيتي مو العمر :)
يا ما يهال وبعمر الورد روحهم غلجة وماينبلعون :S

حياج الله :)

BookMark يقول...

حياالله سامي :)

صاج والله .. المهم شنو أنجزت مو جم وصلت ..

بس ليش الكآبة ياخوي هونها وتهون .. انبسط وافرح دام العمر مرة ^_^

عسى تكون دوم منجز ودوم سعيد بللي أنجزته

سمو الأميرهـ ..ツ يقول...

عيل التسعينات شو يكونون .؟؟!!..




ههههه انتوا وهم الكبار واحنا الصغار لول :d

مثل ما قالوا لكل عمر حلاوته
و أحس الإنسان بعقله مب بعمره :)


ووو


دمتِ بوود

BookMark يقول...

هلا بالميوة كلها ^_^
والسلة الي شايلتها بعد ^^

اي والله صدقتي .. خوش وصف (فستق) D;

وعلى قولة ابوي .. طوله طول انخلة وعقله عقل ... ؟؟ :/

<< مايقصدني طبعا لأني مو طول نخلة ^_^!

اممم الفستق اي جنه عنده مخ!
اهو قشر وداخله مخ ههه

صباحج ومسائج سكر
حياج الله :)

BookMark يقول...

هلا بمحامينا ^^

اي ده اي الغيبة دي! انا افتكرتك زعلان!
مطول الغيبات عسى غنايمك عودة بس :)

شفت شلون خذونا بالصيحة!

راضين اليهال شيسوون ^_^

BookMark يقول...

نبض الأدب/
ياهلا بالأدب والفن ^_^

لكل عمر مميزاته .. الصغار والكبار ^_^

والحين صرتي تحبين عمرج ؟؟
نسيتي البيت الي تمشين وترددينه؟ P;
"سئمت تكاليف الحياة ومن يعش 17 حولاً لا أبا لك يسأم"
P;
الله يطول بعمرج مع الصحة وحسن العمل :)

BookMark يقول...

فاطمـ/
يا مراحب :)

صحيح شي جميل انها مبسوطة ومو معقدة الأمور مثل باقي الناس ..

العمر مرة.. الأفضل نعيش لحظاته ونستمتع فيها :)

أشكر مرورج الأول
حياج الله :)

BookMark يقول...

إيلاف/
يا هلا وسهلا ^_^

وزادت سطرة اليهالو P;

ليش مرة بالعكس شي حلو :)
عمر الإبداع والإنجاز ^_^

BookMark يقول...

حياالله صمت البوح ^^

كبيرة كبيرة يا بنت الأيواد ;)

الكبر بالعقل وانا اختج ^_^

ههه وتتسع دائرة يهال بلوقرز

حياج الله :)

BookMark يقول...

سمو الأميرة/
ياهلا ياهلا ^_^

ويي انتو الي ماحطينا حسابكم عيل!

اممم اهما كبار واحنا يهال وانتو اممم
under age
Pp;

لج طولة العمر يارب .. مع صحة وعمل صالح :)

فاطمــه يقول...

الجواب مثل عنوانج

اهما الكبار وانتوا اليهال

يعطيج العافيه

وكل عام وانتي بخير =)

ms.sms يقول...

وناسه موضوع حلللووو وايد

وياحلاة عمر الثلاثين ههههاي
كنت مرعوبه من عمر 25 وماتصورت اني بوصل الثلاثين بصراحه صج فرقت على نفسي واحببت هاالعمر ومتشوقه للاربعين (:

محمد يقول...

جان زين العمر ساعه رمليه , نقدر نقلبها على جنب بعد قدر معين ,

قبل جم سنه كنت متحفز ومستعيل أدش العشرين , كونه العمر الذهبي ,

بس الحين
أحس لي كبرت بعد راح يقل النشاط وراح اصير مهردق ,,

هاجس مو أكثرر :P

BookMark يقول...

ياهلا فيونة

ماعرفتج مغيرة تعريفج ;)
عاشت الأسامي :)


ههه لا عاد مو يهال مرة وحدة .. يعني شباب P;

الله يعافيج وحياج الله :)

BookMark يقول...

ms.sms
ياهلا :)

سعيدة ان الموضوع اعجبج ..

شي حلو انج حابة عمرج D:
وشحلات الثلاثين عز الشباب .. عمر أهل الجنة ;)

عقبال ما تحتفلين بالأربعين :)
والعمر كله يارب

BookMark يقول...

ياهلا محمد

اي والله حتى انا اتمنى العمر يوقف لحد معين .. الشيخوخة تخوف :)

بس مو شرط ترى .. شوف أمهاتنا ماشالله عليهم شلون فيهم حيل ونشاط أكثر منا..
وياكثر الشباب الي افقدو نشاطهم مبجر..

عمر مديد ان شالله مع صحة ونشاط دائم :)

Seldompen يقول...

صبـاح الخير ..

أشتقت أن أكون هنـا ..

:)

... أما الجواب ,,

فبنظرهم , هم الكبار , وأنتم الصغار ,,

وبنظركم , أنتم الكبار وما دونكم الصغار ..

في النهـايه سنبقى بنظر أنفسنا كباراً ,, كلما لفَت عجلة الزمن ..

ومادوننا " دائماً " صغار ..

............


" على فكرة "

أسلوبكِ جميل جداً جداً ..

في سرد المواقف ..

بدون مجاملة " حقاً "

أستمتعت بقراءة الأحداث , فلكِ أسلوب مميز في نقل الحدث ..


=)

أرق التحايا لكِ ..

ReLaaaX يقول...

هذا رايهم :)

وبعدين يعني موشرط اليهال يعني مايعرفون شي ؟ خصوصا هالجيل ;p


والله يطول بعمرج وتقولين لنا انج قلتي حق جيل التسعينات انهم يهال وانتو الكبار ;p

BookMark يقول...

pen seldom
هلا وغلا :)

واشتقنا وجودك هنا ..
أهلا بعد طول غياب :)

"في النهـايه سنبقى بنظر أنفسنا كباراً ,, كلما لفَت عجلة الزمن ..

ومادوننا " دائماً " صغار .."

جميل جدا :) صدقتِ هكذا نحن

أشكر تواجدك العطر
وأشكر إطراؤك العذب.. أخجلتينا :$

الجميل قراءتك لنا عزيزتي :)

بشرينا عن نتايج الاختبارات ;)

BookMark يقول...

Relax
هلا ومرحبا :)

صح كل واحد ورايه ^^

صاجة هالجيل ماكو يهال P;

هههه لا مابي استصغر احد واقول عنه ياهل

بس ماتدرين يمكن باجر اغير كلامي D;

سعيدة لأول زيارة
حياج الله :)

may يقول...

أحلى شي إن عمر نساء أهل الجنة 33

معناتها صاحبتكم بعدها صغيرة ما وصلت عمر نساء أهل الجنة

^_^

الله يجمعنا و إياكم بجنات النعيم

اللهم آمين

BookMark يقول...

مي /
أهلا وسهلا D:

افتقدنا حضورك .. كما افتقدنا تدويناتك بالفترة الأخيرة!

آخر مرة دشيت بلوقج كان مغلق أو شي جذي :/
***

صح أحلى عمر دامه عمر نساء أهل الجنة ^^

آآمين .. جمعنا الله وإياكم هناك :)

Seema* يقول...

أعياد الميلاد جميلة
فالإحصائيات تقول أن هؤلاء اللذين يحتفلون مراتٍ أكثر بأعياد ميلادهم, يعيشون لمدةٍ أطوّل! ;P

كما قال من سبقوني, لكلٍ عمر شقاوته وحلاوته.

لكِ العمر المديد إن شاء الله
: )

BookMark يقول...

Seema
أهلا وسهلا :)

إن كان ما ذكرتِه صحيحا ..فويحي لم أحتفل قط بعيد ميلادي !
D:

أشكر أمنياتك الجميلة ..
وعمر مديد سعيد لك عزيزتي :)

Om Hrooby يقول...

لكل عمر ميزة ..وجمال ..والذكي اللي يعرف شو هي هالميزة ويستغلها..هم عرفوا بميزة الثلاثين واستانسوا بها لم يبكوا على عمر مضى ..وهذا هو الجميل ..ودايما بيكون هناك الكبار واللي أكبر منهم

تقبلي مروري ..مع التحية
http://om-hrooby.blogspot.com/

Fishah يقول...

صح لكل عمر حلاوته .. الله يديم عليكم هاللمه الحلوه ولايفرقكم :)

اممممممممم بس انتوا اليهالو ههههههههه اعجبتني :)

تحياتي :*

BookMark يقول...

Om Hrooby

صحيح .. دايما بيكون هناك كبار واللي أكبر منهم :)

أشكر زيارتج الأولى

حياج الله :)

BookMark يقول...

Fishah

ههههه لا والله حلت لج السالفة

مشكورة حبيبتي وحياج الله :)