الأحد، 17 يناير 2010

AVATAR


صراع بين الخير والشر .. ولكن من نوع آخر
قد تبدو القصة مألوفة .. حين نرى ذلك الصراع الأزلي بين الخير والشر ..
في معظم أفلام هوليود
ولكن جاءت هنا مختلفة بعض الشيء .. وبتقنية صورية فائقة الروعة ،،
من حسن الحظ أن الإبهار البصري رغم أنه طغى على الفيلم بأكمله .. إلا أنه لم ينتقص من روعة القصة والأحداث،،
اعتقدت في البداية أني سأذهب فقط لأشاهد تلك الأبعاد المتناهية في الدقة .. وسأستمتع بالصور التي جرى العمل على كل واحدة منها 47 ساعة كما قيل !
إلا أنني في الحقيقة استمتعت بالفيلم منذ أولى لحظاته إلى آخر ماتبقى منه ..
ورغم أني توصلت إلى أن القصة مزيج من قصة "طرازان" و "أتلانتس" .. إلا أنها بالتأكيد تحوي بعدًا يميزها لم أكتشفه بعد..
تشبه "طرازان" في ذلك الفتى الذي قضى أيامه بين القرود يتعلم حياتها ليصبح في النهاية واحدًا منها بل وزعيمها،
وتشبه "أتلانتس" في ذلك المكان المجهول الذي يسعى البشر لاكتشافه وأخذ خيراته والنيل من أي حياة فيه ..
وعلى الرغم من كوني لا أستسيغ أفلام الخيال العلمي .. إلا أن هوليود نجحت أخيرًا في كسر هذه القاعدة لدي
باختصار الفيلم يستحق المشاهدة :)

*يعرض الفيلم على الشاشات العادية، وشاشات الديجيتال التي أعتقد بأنها عالية الجودة والوضوح، وشاشات آي ماكس ثلاثية الأبعاد، والأخيرة هي التي شاهدت الفيلم من خلالها

36 التعليقات:

سلة ميوّه يقول...

عاد انا دشيت أبي اعلق على كُن...

لقيتج منزله افتار...
وناوية باجر اروحله مع رفيجتي ..
عنيدة مو راضية انروح اليوم..اتقولي تبي تعزمني!!!

توني اليوم فطنت انها تبي باجر على شان التذاكر أرخص...:)

تبي تعزمني..امممممم انا اعلمها بطلع دبل التذاكر بالبلعة اتشوووف:)

وعلى فكرة..
عادةً أكره قارءة تحليل أو نقد لفلم قبل لا أشوفه لأني اتوقع شي...وممكن يخرب على توقعاتي...
بس قريت الي كتبتيه..واستمتعت..


واردلج باجر اذا ربي سهل ورحت الفلم وارجع اقولج رايي ..واوافقج والا لأ:)


حبي:*

BookMark يقول...

حياالله سلة ميوة :))

اي كنت بخلي (كن) فترة أطول حسيته ما خذا حقه .. بس توني رادة من الفلم ف قلت أكتب دام توه "فريش" ;)

ههههه تصدقين انا بعد كنت بروحله مع رفيجتي باجر على بو التذاكر أرخص .. بس قلنا دام بندش 3D نفس السعر مافي خصم ف خليناها اليوم D;

سعيدة لاستمتاعج بالتحليل المتواضع،
وبانتظار رايج بالفلم :)

حَافِـيَةُ الَقَدمَيّـنْ ولِبَاسِي المَطـرْ يقول...

لووووول عاد يوم شفت دعايته
قلت حق اختي معقوله ناس تروح تشوف هالأفلام ..

بس صج طلع في ناس عندها عشق هالنوع من الأفلام .. خصوصاً إنها تستمتع بمضمون القصه أكثر من الشخصيات
أمثالي انا
ماحب اشوف الفلم إلا والبطل اعرفه أو شكله ينقبل .. ادري مو خوش حكم :(


بس يعطيج العافيه ,

BookMark يقول...

حافية القدمين ولباسي المطر/

تدرين انا بعد مو نوعي اشوف هالأفلام خصوصا أشكال الشخصيات ماتشجع! بس مادري شلون جربت! وتصدقين اعجبوني وحبيتهم D;
جربي مو خسرانة ;)

هلا فيج بأول زيارة أسعدتيني :)
حياج الله :)

msha3erha يقول...

شفته في الويك اند .. عجبني مع اني اكره افلام الخيال العلمي ولا عمري حبيتها...

القصه عاديه و اقل من عاديه .. بس المؤثرات كانت شي مو طبيعي .. الالوان و الغابات و الاشجار و المخلوقات الغريبة كانوا جذابين بصراحه و فوق هذا الموسيقى كانت جدا متقنة مع المشاهد لدرجة اني اندمجت وايد بمشهد تفجيرات الشجرة و وخيت راسي لما طاحت الطيارة حسيتها بتطيح علي لووول

kal ho na ho يقول...

من سابع المستحيلات أتعنى لفيلم خيال علمي ..!!

للأمانة ما شفته بس الضجة عليه كبيرة ..

ودمتم

Engineer A يقول...

امممم

عاد انا ما احب هالنوعية من الافلام .. بس مدام مدحتيها باحاول اروح واشوفه ..

حيل يمدحون مؤثراته :)

يعطيج العافية

رورو الشخبوطه يقول...

السلام..

شوقتيني عليه..

بروح له ان شاءالله بعد مشاورة اختي :\

ومرسي..

BookMark يقول...

msha3erha/
صحيح القصة جدًا عادية ومألوفة، ربما الجديد فيها شخصية البطل "العاجز" في دنيا البشر ..و "ذو القوة الخارقة" في العالم الآخر..

قرأت عرضك للفيلم في مدونتك .. أوافقك في أكثر ما ذكرتيه :)

المؤثرات أكثر ما ميز الفيلم .. ولكن لو خلا من أحداث مشوقة لما استمتعنا به

أرحب بزيارتكِ الأولى :)
أهلا بك

BookMark يقول...

kal ho na ho/

اسمج وايد صعب ههه بختصره المرة الياية ;)

انا بعد مااحب أفلام الخيال العلمي كلش ..
بس شفت هذا وعجبني

جربي منتي خسرانة :)

سعيدة بأول زيارة
حياج الله :)

BookMark يقول...

Engineer A/

اذا شفتيه عطينا رايج :)
متأكدة راح يعجبج ;)

<< خوفي على كل هالدعاية ماايوز لج وطول الفلم تدعين على بوك مارك p;

BookMark يقول...

رورو/
وعليكم السلام

روحي وشوفيه صدقيني يستاهل D;

<< ترى مو متعاقدة مع سنسكيب لووول

Engineer A يقول...

لا اشدعوه ادعي عليج علشان فيلم؟!!


محشومه عزيزتي .. واذا ما يازلي هم عادي اكيد مو أسوأ من فيلم The box :)

BookMark يقول...

حبيبتي والله :) :$

ان شالله يعجبج ;)

وتدعينلي D;

reemas يقول...

http://myblogreemas.blogspot.com/2009/12/my-review-of-avatar.html

BookMark يقول...

reemas/

nice review :)

5/4 يقول...

تصدقين أنا مادري ليش هالفيلم من أول ما نزل مو عاجبني ;P

وكرهته أكثر من الخبه اللي صارت خفت يطلع نفس
The Dark Knight

اللي إيراداته أكثر من بليون وعندي إياه وحاولت أشوفه مرتين بس ما قدرت أكمله

تحسين أنا متشائمة وايد ;P

بس بشتريه من أمازون الدي في دي يمكن يعجبني..

BookMark يقول...

4/5
اهو شكله مايشوق .. بس جربي يمكن يعجبج :)

صح انا بعد ماعجبني The dark knight على الخبة مالته توقعته احلى..
بس هذا دش مزاجي D;

حياج الله :)

لولا الأمل يقول...

shwagtini ashofa :D
el rating mala 9.3/10
y3ni shakla 7adda 8awi :D

bs el mishkila enna nazil 3ndna min 5 asabee3 o mafe ella 3r'9ain belyoum :s
o wala wa7id bel weekend !!

tiswa ashofa bel-net ?
wala bel-cinema a7sn ?

o asif l2ni aktib english m3rrab .. i have to !

mazyona يقول...

مرحبا بوك مارك
صحيح الفيلم روعة بثلاثي الأبعاد
لكن أحس القصة مكررة اكثر من مرة
الحلو بالفيلم المؤثرات
تقبلي مروري

BookMark يقول...

لولا الأمل/
اي قريب ويحطم الارقام القياسية D:

امممم اهو حلاته بمؤثراته يعني بالسينما أحلى
بس اذا ماينعرض بالويك اند وعندك دراسة لالا لاتروح عشان لاتحطها براسي اذا صار ماصار P;

اي انا قلت شفيه يكتب معرب Pp;
بس ماعليه عادي بتحصل

حياك الله وعطنا رايك اذا شفته :)

BookMark يقول...

مزيونة/
صح القصة مكررة وايد
بس حلوة
والمؤثرات مسوية شغل :)

سعيدة بأول زيارة :)
حياج الله

محمد يقول...

الفلم حداا مبهر , مرتين رحلته عادي وأي ماكس .. حدا عجيب , عودة حميدة لـ كاميرون .. من منظوري المتواضع فيلم ناجح بكل المقايس

BookMark يقول...

محمد/
فعلا استطاع جيمس كاميرون أن يعود وبقوة :)
أحيي ذوقك العالي

أهلا بك

Yousefiya يقول...

فلم أفاتار ..
رحت الفلم وأنا معصبه و فيني شر مكبوت لكن الفلم قصه حب و سلام وهذا خرب علي المود .. رحتله وأنا مو سامعه عنه بتاتاً !!
قاعده أتحلطم وأنا حاطه إبالي إن الوضع ماراح يعجبني .. لكن أفاتار غلب على مزاجي المتعكر و عكس وجهه نظري فيه ! دشيت الفلم وأنا معصبة طلعت وأنا ابتسم !!

الفلم فيه فكرة حلوة !! إن طمع الإنسان يبي ياخذ شنو الموجود من الطبيعه من غير ما يستفيد من إمكانياتها و يبحث ! عن جد عجيب الفلم حبيته !! شفت فيه شر الناس و طيبه و سلام الطبيعه :)

يا حلو الطبيعة، أبي أعيش معاهم :(.

أحمد الحيدر يقول...

شوقتونا نروحله من كثر ما نسمع عنه :)

Msha3r يقول...

يعطيج العافية ... ان شاء الله اشوفه ^^.

لولا الأمل يقول...

قوووووووي

توني ياي منه .. حضرته اي ماكس .. وانصح فيه

الجرافكس مو صج !!!!!!!! عجييييييب !!

كاتب القصة مينوون الظاهر !

انا ما احب افلام الخيال .. بس هالفلم شدني حيل

اللي بيدشه خل يدشه اي مااكس وايد احلى


اهنيج على ذوقج بوكمارك

إيلاف يقول...

أفكر بزيارة دار السينما في هذا الاسبوع , خصوصا بعد الانتهاء من الاختبارات

ويبدو نه سيكون على قائمة الخيارات المطروحة : )

BookMark يقول...

يوسفية/
بعيد عنج الشر والعصبية ^_^

الحمدلله انه عجبج وغير مزاجج ;)

بالضبط هذي فكرته .. حلوة وايد،
على قولة رفيجتي: يقطون نغزات على عمرهم
والطبيعة شقول وشخلي D:

أشكر مرورج عزيزتي
حياج الله :)

BookMark يقول...

أحمد الحيدر/
هو يستحق المشاهدة ^^

BookMark يقول...

Msha3r/
الله يعافيج
ان شاالله يعجبج :)

BookMark يقول...

لولا الأمل/
شفت ؟؟؟ D:
حده قووي مو؟؟ D:

اف الكاتب حده مينون على ان القصة مكررة بس مادري مادري فيها شي غير اهني D:
الجرافيكس على الاخراج على ال مادري شنو بس كلهم مكملين بعض

وناسة انه اعجبك
وانا بعد أحيي ذوقك ^^
حياك الله :)

BookMark يقول...

إيلاف/
موفقة في اختباراتج :)
ويبيله تكافئين نفسج وتروحين ^^

شاي الضحى يقول...

انا ما كنت مفكره اني اروحله قلت اكيد سخيف بس شفت جم اسبوع كله الاول فغيرت رايي ورحت له 3D


صج حلو ويونس وما تحسين بالوقت بس النظاره تعور الراس مع المده


مشكوره :)

BookMark يقول...

شاي الضحى/
اشوة انه اعجبج :)
صح النظارة تأذي شوي

حياج الله :)